မြန်မာရို့ အုပ်ချုပ်မှုအောက်ကရခိုင်ပြည်
Posted by Arakan Research Centre ပင်မစာမျက်နှာ, ရခိုင်သမိုင်းကြောင်းများ 05:06
Arakan Under Burmese Rules (1784-1824AD)
မြန်မာရို့ အုပ်ချုပ်မှုအောက်ကရခိုင်ပြည်
(ခရစ် ၁၇၈၄-၁၈၂၄)
မဟာရာဇ၀င်နန့် ရခိုင်ရာဇ၀င်ရို့ ကို အခြီခံစွာပါ။
ဦးစံရွှေဘု
(၂၀၀၇ ခုနှစ်၊ မတ်လ ၁၄ ဘာသာပြန်သည်။)
http://arakanfuture.blogspot.com/
မြန်မာရို့ အုပ်ချုပ်မှုအောက်ကရခိုင်ပြည်
(ခရစ် ၁၇၈၄-၁၈၂၄)
မြန်မာရို့ ပထမဆုံးလုပ်ဆောက်ချက်ကတော့ခါ ရခိုင်ပြည်က(၁၆၈၅-၁၇၈၄)ကာလ နောက်ဆုံးဘုရင်(၂၄)ပါး အုပ်ချုပ်မှုအတွင်း တာရှည်တာများဖြစ်ပေါ်နီခရေ တရားဥပဒေကင်းမဲ့မှုကို နှိမ်နင်းကွမ်ညှပ်ပစ်စွာပါ။ လူဆိုးဓားမရတိ ကို မရမချင်းလိုက်လံဖမ်းဆီးပါရေ။ ရကေရက်ရက်စက်စက် နှိပ်စက်တေ။ သံကြိုးနန့်ချိုင်ထားရေ။ ယင်းပိုင်လုပ်ဆောင် နီချိန်အတွင်း အင်းဝအိမ်ရှိမင်းသားက ကြေငြာချက်တစ်ခုထုတ်ပြန်ပါရေ။ ရခိုင်တစ်ပြည်လုံးကို အင်းဝဘုရင် ဘိုးတော်ဘုရားက သိမ်းပိုက်အုပ်ချုပ်လိုက်ဗျာယ်ဆိုရေအကြောင်းပါ။ (ဘိုးတော်ဘုရား၏ နေပြည်တော်စွာ အမှန်က အမရပူရပါ။ ၁၁၈၉ ဘကြီးတော်လက်ထက်ကျခါမှ ထီးနန်းကိုအင်းဝသို့ ပြောင်းရေလို့ ညိုမြ၏ကုန်းဘောင် ရှာပုံတော်(သတ္တမအကြိမ်) စာ-၂၂ မှာဖော်ပြထားပါရေ-ဘာသာပြန်သူ) လူတန်းစားအလွှာအသီးသီးက ရခိုင်သား ပေါင်းတစ်သိန်းနန့်သျှစ်သောင်းကို သုံ့ပန်းအဖြစ်မြန်မာပြည်သို့ ခေါ်ယူလားပါရေ။ မဟာမုနိရုပ်ရှင် တော်မြတ်ကို မြန်မာပြည်သို့ ပင့်ယူလားပြီးကေ အဂုမန္တလေးယှိ ရခိုင်ဘုရားမှာ ထားပါရေ။ ဘုန်းကြီးကျောင်းတိ စေတီပုထိုးတိနန့် အခြားဘာသာရေးအဆောက်အဦးတိကို စနစ်တကျဖျက်ဆီးပစ်ပါရေ။
မြန်မာရို့၏ အုပ်ချုပ်မှုကာလအစပိုင်းမှာခါ အားနည်းပျော့ညံ့ကေလည်း ကိုယ်အားကိုယ်ကိုးပနာ တော်လှန်ပုန်ကန်မှုတိ ယှိခလီပါရေ။ ဗိုလ်ချုပ်တစ်ယောက်က နောက်လိုက်နောက်ပါ တဆိတ်ကေနန့် ပုန်ကန်ပါရေ။ မအောင်မြင်ပါ။ ပုန်ကန်သူတိကို မြန်မာရို့ဖမ်းမိလားခရေအခါ ယင်းပုန်ကန်သူတိပါ၊ ပုန်ကန်သူရို့၏အမျိုးအဆွီတိပါ၊ ပုန်ကန်ရေဒေသက ရပ်သူရပ်သားတိပါ ထောင်ပေါင်းများစွာသော လူတိကို ရက်ရက်စက်စက် သတ်ဖြတ်သုတ်သင်ပစ်ပါရေ။ ယင်းပိုင်ပုန်ကန်မှုတိမျိုး ဆက်တိုက်ဆက်တိုက် ဖြစ်ပေါ်လာရေအခါမှာ ရခိုင်တစ်ပြည်လုံး လူပေါင်းသိန်းပေါင်းများစွာ အသတ်ဖြတ်ခံကတ်ရပါရေ။
၁၅ ရာစုနန့် ၁၆ ရာစုကာလအတွင်း ရခိုင်ပြည်ဆိုစွာ ကမ္ဘာ့အရှိပိုင်းမှာ အင်အားအကြီးမားဆုံးတိုင်းပြည်တိထဲက တစ်ခုဖြစ်တေလို့ပေါ်တွင်မှတ်တမ်းတိမှာ ဖော်ပြထားပါရေ။ ရခိုင်ဘုရင်မှာအမြဲတမ်းစစ်တပ်ကြီးတစ်ခုယှိရေ၊ စစ်ပညာကျွမ်းကျင်တတ်မြောက်တေ၊ စစ်ရီးအတွံ့အကြုံကြွယ်ဝရေဆိုစွာ သိရပါရေ။ နိူင်ငံခြားတိုင်းပြည်တိနန့် ကုန်သွယ်ရောင်းဝယ်မှုတိယှိခရေ၊ ရခိုင်ပြည်၏လူဦးရေလည်းသွင့် အဂုခေတ်သစ်ကြွယ်ဝချမ်းသာရေနိူင်ငံတိမှာယှိရေလူဦးရေတိနန့် နှိုင်းယှဉ်ကြည့်နိူင်ရေလို့ဆိုပါရေ။ ဗြိတိသျှ၊ အင်္ဂလိပ်ရို့ သိမ်းပိုက်မိရေအခါမှာ ရခိုင်ပြည်မှာလူဦးရေ တက်တက်ပြောင်နီပါဗျာယ်။ ပုန်ကန်တော်လှန်မှုတိ ငြိမ်သက်လားအောင်ဆိုရေ ရည်ရွယ်ချက်နန့် အစုလိုက်အပြုံလိုက်သတ်ဖြတ်သုတ်သင်ပစ်မှုတိကြောင့် အခုပိုင်လူဦးရေလျော့နည်းလာရခြင်းဖြစ်ပါရေ။
တော်လှန်ပုန်ကန်မှုတိဖြစ်ခစွာထဲမှာ ဟာရီဆွေ(Hari Tsway)ခေါင်းဆောင်ရေပုန်ကန်မှုကတော့ခါ မြန်မာရို့ကိုအကြီးအကျယ် ဒုက္ခပီးနိူင်ခပါရေ။ မြန်မာရို့ အုပ်ချုပ်မှုကိုလည်း ဂယောက်ဂယက်ဖြစ်လားစီခပါရေ။ ဟာရီဆွေနန့် သူ့နောက်လိုက်နောက်ပါတိစွာ မြန်မာတပ်တိကို အကြိမ်ပေါင်းများစွာ လာရောက်စီးနင်းတိုက်ခိုက် အောင်ပွဲခံနိူင်ခပါရေ။ နောက်ဆုံးမှာ မြန်မာတပ်တိစွာ မြောက်ဦးမြို့ တွင်းထဲအထိ ဆုတ်ခွာပနာခုခံနီခကတ်ရပါရေ။ ဟာရီဆွေ၏ တပ်တိစွာမြို့ ပြင်နန့် သုံးမိုင်အကွာမှာ စခန်းချဝန်းရံထားပါရေ။ ယင်းပိုင်အချိန်မှာ ရမ်းဗြဲနန့်မာန်အောင်ရို့ကရခိုင်ခေါင်းဆောင်တိစွာ ဟာရီဆွေနန့်ပူးပေါင်းလာကတ်ပါရေ။ ယကေလည်း စစ်ဆင်ရေးစီမံချက်တိနန့် ပတ်သက်လို့သဘောထားချင်းမကိုက်ညီရေအတွက် မကြာခင်မှာပင် ပြန်လားခကတ်ပါရေ။ ယင်းကြောင့် ရခိုင်ပြည်လွတ်မြောက်ရေးအတွက် သွီးစည်းညီညွတ်စွာတော်လှန်တိုက်ခိုက်ဖို့ကိစ္စစွာ မျှော်လင့်ချက်ကင်းမဲ့လားခရပါရေ။
ယင်းကစလို့ ရခိုင်ပြည်အတွက် ဂြိုလ်ဆိုးကြီးဝင်စွာပါဗျာယ်ယေ။ တော်လှန်ပုန်ကန်မှုအရှုံးနန့် အဆုံးသတ်လားခပနာ ဟာရီဆွေလည်းစစ်တကောင်းကိုထွက်ပြီး ခိုလှုံလားခပါရေ။ မြန်မာတပ်တိက သူ့ကိုလိုက်ဖမ်းပါသိရေ။ ရာမူးယှိ အင်္ဂလိပ်တပ်တိက မြန်မာတပ်တိကိုတားဆီးထားလိုက်လို့ လွတ်မြောက်လားခစွာပါ။ ဟာရီဆွေကို သူ့ရို့ လက်သို့အပ်ဖို့မြန်မာရို့ တောင်းဆိုစွာကို အင်္ဂလိပ်တိက ပြင်းပြင်းထန်ထန်ငြင်းပစ်လိုက်တေအတွက် မြန်မာရို့ လက်ခစဲ ပြန်လာကတ်ရပါရေ။ ယင်းချင့်စွာ ရခိုင်သက္ကရာဇ် ၁၁၅၂မှာဖြစ်ပျက်ခစွာပါ။
အေဒီ ၁၇၉၀မှာ အင်္ဂလိပ်တိအနီနန့် ရခိုင်ပြည်ကိစ္စမှာ ပထမဆုံးဝင်ရောက်ပတ်သက်မှုလည်းဖြစ်ပါရေ။
ခရစ် ၁၇၉၃ မှာ ရမ်းဗြဲကဗိုလ်ပေါလုံး(Pow Loon)ခေါင်းဆောင်ရေ ပုန်ကန်မှုကြီးတစ်ခု ပြင်းပြင်းထန်ထန်ဖြစ်ပွားပြန်ပါရေ။ ကာလတစ်ခုအထိတော့ခါ ပုန်ကန်မှုစွာအောင်မြင်ခပါရေ။ ယေဒါလည်း သူ့ မှာက လက်နက်လူသူအင်အား ကန့် သတ် ချက်ဟိစွာပါကို။ ယေနန့် သူရို့ လည်း စစ်တကောင်းကိုဝင်ပြီးပနာ အင်္ဂလိပ်တို့  ၏အကာအကွယ်ပီးမှုကို တောင်းခံကတ်ရစွာပါဗျာယ်။ ဗိုလ်ပေါလုံးဆိုစွာ ဥပဒေပြင်ဘက်က လူဆိုးဓားမရရာဖြစ်တေအတွက် အင်္ဂလိပ်ပိုင်နက်ထဲမှာ ခိုလှုံခွင့်ပီးစွာမှားရေ၊ သူရို့ လက်ထဲသို့ အပ်ပါလို့  မြန်မာရို့  ကတောင်းခံပါရေ။ စစ်တကောင်းစွာ ယင်းခါက အရှိအိန္ဒိယကုမ္ပဏီပိုင်နက်ပါ။ ယင်းကိစ္စကို ဥရောပသား (အင်္ဂလိပ်) တစ်ယောက်က တာဝန်ယူဖြေယှင်းရပါရေ။ယင်းသူက ဗိုလ်ပေါလုံးကိစ္စကို ကုမ္ပဏီသို့ တင်ပြပါရေ။ ဒေလူစွာ အဂေါင့်ရာ ဓားမရဆိုကေ ဖမ်းပနာအကျဉ်းချထား၊ ဓားမရမဟုတ်ကေ လွှတ်ပီးလိုက်လို့  ကုမ္ပဏီကအမိန့် ချပါရေ။
ယေခါမြန်မာရို့ က ယင်းအင်္ဂလိပ်ကို ငွေကြေးအများအပြားလာဘ်ထိုးလိုက်တေအတွက် ဗိုလ်ပေါလုံးကိုဖမ်းပနာ မြန်မာရို့ လက်ကိုပီးအပ်လိုက်ပါရေ။ ဗိုလ်ပေါလုံးကို မြန်မာပြည်သို့ ခေါ်ယူပနာသုတ်သင်ပစ်လိုက်ပါရေ။ နောက်ပိုင်းမှာ ယင်းအင်္ဂလိပ်၏မရိုးမသားဆောင်ရွက်လုပ်ကိုင်မှုကို ကုမ္ပဏီဒါရိုက်တာတိကြားသိလားခရေအတွက် သူ့ ကိုရာထူး ချပနာ အရေးမပါသောစစ်ရေးတာဝန်တစ်ခု ပီးထားလိုက်ပါရေ။
သက္ကရာဇ် ၁၁၅၇ (ခရစ် ၁၇၉၅)မှာ မိတ္ထိလာကန်ဘောင်တစိတ်တဒေသ ပေါက်ထွက်ပြိုကျလားပါရေ။ ယင်းချင့်ကိုပြန်လို့ ပြုပြင်ဖို့ အတွက် ရခိုင်သားတစ်ထောင်ကို အာဏာနန့် အဓမ္မပို့ ပါရေ။ ဇာကြောင့်လဲတော့ခါမသိပါ။ ယင်းရခိုင်သားအားလုံး တစ်ယောက်မကျန် မိတ္ထိလာမှာ သီပျောက်လားခကတ်ပါရေ။
၁၁၅၉ ခုနှစ် (ခရစ် ၁၇၉၇)မှာ မြန်မာရို့ သိမ်းယူလားခရေ ပိဋကတ်သုံးပုံကို ဘိုးတော်ဘုရားအမိန့် နန့် ပြန်ပို့ ပနာ မြောက်ဦးမြို့ တော်၏အရှိဘက်မှာ ပိဋကတ်တိုက်တည်ဆောက်လို့ ထိန်းသိမ်းထားလီပါရေ။
မြန်မာအုပ်စိုးသူရို့ ၏ ရခိုင်ပြည်မှာ ကျင့်သုံးပြုမူလားခရေ ရက်စက်မှုတိ၊ လူသားမဆန်မှုတိစွာ သမိုင်းမှာတစ်ပုတပင် သက်သီပြလို့ ယှိလီပါရေ။ ဘယ်သယ်ပိုင်တစ်ခုလည်း ခုခံကာကွယ်နိုင်စွမ်းမယှိရေ ယောင်္ကျား၊မိန်းမ၊ အချေသူငယ်တိကို မဟုတ်မမှန်စွပ်စွဲပြောဆိုပနာ အစုလိုက်အပြုံလိုက်သုတ်သင်သတ်ဖြတ်မှုတိ နိစဉ်နန့်  အမျှယှိနိန်ပါရေ။ ရခိုင်ပြည်ကို မြန်မာရို့ အုပ်စိုးမှု နှစ် ၄၀ သမိုင်းဆိုစွာ သွီးချောင်းစီးသမိုင်းတစ်ခုပါဗျာယ်။ အတိတ်ကာလက ယှိခဖူးရေ ဇာတိုင်းပြည်တခု၏သမိုင်းမှာလည်း ဒေပိုင်ရက်စက်ယုတ်မာမှုမျိုး မယှိခလီဖူးပါ။
ယင်းအတွက်ကြောင့် မြန်မာရို့ လက်ထဲကအာဏာကို အင်္ဂလိပ်ရို့ လွှဲပြောင်းယူလိုက်တေအခါမှာ ရခိုင်တစ်ပြည်လုံးစွာတောကြီးမျက်မဲဖုံးပနာ စတုရန်းတစ်မိုင်မှာ နိန်ထိုင်သူလူပေါင်း ၂၀ ကျော်ရာကျန်လိုက်ဗျာယ်လို့  ဆိုကေ အံ့သြစရာယှိပါဖို့ သိလားယေ။
မြန်မာရို့ ၏ရွီတွက်လို့ မရနိုင်သော အစုအပြုံလိုက်သတ်ဖြတ်မှုတိကြောင့် လူဦးရေအကြီးအကျယ်လျော့နည်း ကျဆင်းလားခရေ တိုင်းပြည်တစ်ခုမှာ တိုင်းပြည်တစ်ခုမှာ ငြိမ်းချမ်းတည်ငြိမ်မှုမြှင့်တင်ပီးဖို့ ရည်ရွယ်ချက်နန့်  ဘုရင်ခံချူပ်က ရခိုင်ပြည်အတွက်ခန့် အပ်စီလွှတ်လိုက်တေ အင်္ဂလိပ်အရာယှိတစ်ယောက်၏အကြောင်းကို ရခိုင်ရာဇ၀င်ထဲမှာ မှတ်တမ်းတင်ထားယှိပါရေ။ ယင်းအရာယှိစွာ (………….) တစ်ယောက်ဖြစ်ပြီးကေ သူ့  ကို ရခိုင်သားရို့ က (……………..) လို့  ခေါ်ကတ်ပါရေ။ ယင်းပုဂ္ဂိုလ်စွာ သူ့ တာဝန်တိကို တစ်စိတ်တစ်ပိုင်း ဆောင်ရွက်အောင်မြင်ခပါရေ။ ယပြီးကေ အိန္ဒိယနန့်  ရခိုင်ပြည်ရို့ ကုန်းလမ်းကုန်သွယ်မှု ဆက်ဆံရေးပွင့်လင်းလာဖို့  အတွက်လည်း ကြိုးပမ်းပီးခပါရေ။ ၁၁၆၁ ခုနှစ် (ခရစ် ၁၇၉၉) မှာပါ။ ယင်းကုန်သွယ်ရေးညီလာခံစွာ အောင်ဆိပ် (Aungtsit) က ဘားဘူတောင်ခြီရင်းမှာ ကျင်းပပြုလုပ်ခစွာဖြစ်ပါရေ။
အင်းဝဘုရင်က ရခိုင်သားတိအပေါ်မှာ ပီးအပ်ချမှတ်တေ တာဝန်တိကိုအောက်မှာဖော်ပြလိုက်ပါရေ။
ခရစ် ၁၈၀၀ ပြည့်မှာ အိမ်ထောင်စုတစ်စုစီကို ၃ ခု ထပ်ခွဲပစ်ပနာ အိမ်ထောင်စုတိုင်းအတွက်မြီခွန်ကောက်ယူပါရေ။ နောက် ၆ လအကြာမှာ လူပျို ၃၀၀ ကို ဘုရင့်နန်းတော်မှာ တာဝန်ထမ်းဆောင်ဖို့  ပို့ လွှတ်ပါရေ။ ယင်းသူရို့ ၏ လက်မောင်းမှာ ဘုရင်မင်းမြတ်၏ကျွန်ဖြစ်ကြောင်း မှင်ထိုးပီးပါရေ။ ၁၈၀၁ ခုနှစ် ဖေဖော်ဝါရီလမှာ ရခိုင်သားတစ်ထောင်ကို စစ်မှုထမ်းဖို့ အတွက် မြန်မာပြည်သို့ ပို့ ပါရေ။ ၁၈၀၂ ခုနှစ်ကစလို့  ရခိုင်သားတစ်ယောက်စီ ၁ ကျပ်ကျအခွန်ဆောင်ရပါရေ။ နို့ စို့ ချေ တောင်ကင်းလွတ်ခွင့်မရပါ။ ယင်းချင့်ကို (………..) လို့ ခေါ်ပါရေ။ ၁၈၀၃ ခုနှစ်မှာ ရခိုင်သားတိအားလုံးအမရပူရကိုလားပနာ ဆင်ဖြူတော်ကိုဖူးမျှော်ပူဇော်ကတ်ရပါရေ။ ၁၈၀၅ ခုနှစ်မှာ ပုံမှန်ပီးဆောင်နိန်ကျ အခွန်ငွေမှာထပ်ပနာလူတစ်ယောက်စီ တစ်ကျပ်နှုန်းအခွန်ထပ်ဆောင်ကတ်ရပါရေ။ ပထမကောက်ခံစွာ မလုံလောက်လို့ ပါလတ်။ နောက် ၂ နှစ်အကြာမှာ မြန်မာတပ်တိ ယိုးဒယားကို စစ်ချီတက်ကတ်ရပါရေ။ ရခိုင်ပြည်က စစ်သားတိအားလုံးလည်း လိုက်ပါကတ်ရပါရေ။ ၁၈၀၉ ခုနှစ်မှာ ဘိုးတော်ဘုရားက သံတွဲမြို့ စားကို အိန္ဒိယပြည် ကပ္ပိလ၀တ္ထုမြို့ သို့  စီလွှတ်ပနာ ကပ္ပိလရသေ့၏ရုပ်ထုကိုအရှာခိုင်း ပါရေ။ မရခပါ။ အာသောကမင်းကြီးသွန်းလုပ်ကိုးကွယ်ခရေ ဗုဒ္ဓရုပ်ပွားတော်နှစ်ဆူ၊ ဗုဒ္ဓဂါယာက ဓါတ်တော်မွီတော်တဆိတ်ကေနန့် ပြန် လာလတ်ပါရေ။
သက္ကရာဇ် ၁၁၇၃ (ခရစ် ၁၈၁၁)မှာ ဧရာမပုန်ကန်တော်လှန်မှုကြီးတစ်ခုဖြစ်ပွါးလာပါရေ။ ယင်းပုန်ကန်မှုကို လူစွမ်းကောင်းတစ်ယောက်ဖြစ်တေ ဗိုလ်ချင်းပျံက ဦးဆောင်ပါရေ။ စွမ်းရည်သတ္တိနန့် နည်းပရိယာယ်ကြွယ်ဝ ရေအတွက် နောက်လိုက်နောက်ပါနန့် လက်ထောက်ခေါင်းဆောင်ချေတိအများအပြားစုဆောင်းရယှိပါရေ။ ချင်းပျံ၏ ပုန်ကန်မှုစွာ နတ်မြစ်ကမူလဇစ်မြစ်အစပြုလာစွာပါ။ နောက်ပိုင်းခါတဆတ်ဆတ်နန့်  ရခိုင်ဒေသတစ်ခုလုံးက ရခိုင်သားရို့ ၏ထောက်ခံအားပီးမှုကို ရယှိလာစွာဖြစ်ပါရေ။ နှိမ်နှင်းဖို့ လွှတ်လိုက်တေ မြန်မာတပ်တိလည်း ချင်းပျံတပ်တိဘားမှာ ထထွက်ကြီလားရစွာပါဗျာယ်။ အောင်ပွဲတိအလီလီရလာပြီးရေခါ ချင်းပျံရို့ စွာ မြောက်ဦးမြို့ တော်သို့ ချီတက်လတ်ကတ်ပါရေ။ ချီတက်ရာလမ်းတလျှောက်မှာ တပ်အင်အားလည်း ပိုလို့ ကြီးထွားလာပါရေ။ ယင်းကြောင့်တပ်ခွဲတိအများအပြားခွဲပနာ စစ်ရီးအရအရေးကြီးရေနိန်ရာတိမှာ တပ်စွဲထား၊ တပြည်လုံးမှာပြန့် ကြင်းနိန်ရေ မြန်မာတပ်တိတခုနန့် တခုအဆက်အသွယ်မလုပ်နိုင်အောင် ဖြတ်တောက်ထားလိုက်နိုင်ပါရေ။ ယင်းသေနင်္ဂဗျူဟာစွာ အလှပလှအောင်မြင်ပါရေ။ မြန်မာရို့ အထိနာ နိန်ကတ်ဗျာယ်ဆိုရေသတင်းကို ကြားသိရရေ အတွက် အင်းဝမင်းစွာ မင်းလှစည်သူကို ဦးစီးခန့် ပနာ ကြီးမားသောတပ်အင်အားကြီးတခုကို ရခိုင်ပြည်သို့ စီလွှတ်ပါ ရေ။ ယေဒါလည်း မိုးကျလာဗျာယ်ဖြစ်လို့  မင်းလှစည်သူစွာ သူ့ တပ်အင်အားကို သရေခေတ္တရာ (ပြည်)မှာ စခန်းချပနာ ရခိုင်သို့ ချီတက်မှုကို ဆိုင်းငံ့ထားလိုက်ပါရေ။
ယင်းပိုင်အခြေအနေမျိုးမှာ ရခိုင်ပြည်ကမြန်မာတပ်တိလည်းတွိရေနိန်ရာမှာ ချေမှုန်းခံရရေအတွက် ဇာလုပ်ရမှန်း
မသိ မျှော်လင့်ချက်ကင်းမဲ့ရေအဖြစ်ကို ရောက်နိန်ကတ်ရပါရေ။
မိမိအနေနန့် အသာစီးရလာဗျာယ်ဆိုစွာသိလာရေခါ ရခိုင်ခေါင်းဆောင်ချင်းပျံစွာ ကုလားတန်မြစ်၏အနောက်ဖက် ဇာဝတီ/ဇေ၀တီ (Zawadi/Zaiwadi) မြို့ မှာ ဘိသိက်ခံပြီးကေ ဓနုဓမ္မရာဇာဘွဲ့ ကိုခံယူလိုက်ပါရေ။ သူ့ ဘွဲ့ နာမေပါရေ ဒင်္ဂါးတိကိုလည်း ခပ်နှိပ်ပါရေ။ ငွေကြေးတတ်နိုင်ရေ အမျိုးသား၊အမျိုးသမီးတိဘားက တစ်ယောက်ကို ၂၁ ရူပီးစီအခွန်ကောက်ခံပါရေ။ ယင်းပိုင်နန့် ပင် ဗိုလ်ချင်းပျံစွာ မင်းဆိုးမင်းညစ်တစ်ပါး ဖြစ်လာလတ်ပါရေ။ ပြောဆိုအကြံပီးမှုတိကိုလည်း မနာမယူထိုးကန်းလုပ်ပနာ ရက်စက်ကြမ်းကြုတ်လာပါရေ။ နောက်လိုက်ငယ်သားတိကို လည်း ညှာတာထောက်ထားမှုမယှိရေအတွက် တဆတ်ဆတ်နန့် ဗိုလ်ချင်းပျံကို အကြည်ညိုပျက်လာကတ်ပါရေ။ ဗိုလ်ချင်းပျံ၏အာဏာလွှမ်းမိုးမှုတာမရှည်ခစွာ ယင်းပိုင်အကြောင်းခံတိကြောင့်ပါ။ ရခိုင်ပြည်သူလူထုရို့ ၏အမြင်မှာ ချင်းပျံနန့် စာကေ မြန်မာရို့ ၏နှိပ်စက်ညှင်းပန်းမှုပင်က သက်သာသိယင့်ဆိုစွာမျိုးဖြစ်လာရေအတွက် မြန်မာတိက နောက်ပိုင်းထိုးစစ်ဆင်တိုက်ခိုက်လာရေအခါ မြန်မာတိကိုရာ အကူအညီပီးကတ်လီပါရေ။ မြောက်ဦးမြို့ ဝန်ငထင်ကျော် စွာ စစ်ရီးကျွမ်းကျင်ရေ တပ်တစ်တပ်ကိုဦးစီးပနာ ချင်းပျံကိုတိုက်ခိုက်နှိမ်နှင်းပါရေ။ ရခိုင်ပြည်အနှံတပ်စွဲထားရေ ချင်းပျံတပ်တိကိုလည်း အနိုင်ရလိုက်နိုင်ပါရေ။ ယင်းခါကပင်စလို့  ချင်းပျံ၏သြဇာအာဏာနန့် ချင်းပျံအပေါ်နောက်လိုက် ငယ်သားရို့ ၏ယုံကြည်အားထားမှုတိ ယုတ်လျော့လာလတ်ပါရေ။
မြန်မာတပ်တိချီတက်တိုက်ခိုက်လာရေအတွက် ရခိုင်တပ်မှူးချေတိလည်း ဇာဝတီ/ဇေ၀တီမြို့ သို့ ထွက်ပြီးလာကတ် ပနာ ဘုရင်ချင်းပျံဘားမှာ မိမိရို့ ၏ရှုံးနိမ့်မှုကို အစီရင်ခံလာကတ်ပါရေ။ ဇာပိုင်လုပ်ကေ အကောင်းဆုံးဖြစ်ဖို့ လဲဆိုစွာ ဆွေးနွေးတိုင်ပင်ကတ်တေအခါ တစ်ယောက်ကလည်းတစ်ခွန်းမဟကတ်ပါဗျာယ်။ ဗိုလ်မှူးတစ်ယောက်ကရာ အဂု အခြေအနေကိုရောက်လာပြီးမှ စုစည်းခုခံလို့ အောင်မြင်ကေလည်း အကျိုးမယှိဗျာယ်ဖြစ်ကြောင်း၊ ဒေခန်းမကိုစွန့် ခွာ လားစွာရာ ကောင်းဖို့ ဖြစ်ကြောင်းပြောဆိုတင်ပြပါရေ။
နောက် ၄-၅ ရက်အကြာမှာ မြန်မာတပ်တိချီလာဗျာယ်ဆိုစွာ ချင်းပျံသတင်းရပါရေ။ တပ်တိကိုစုစည်းပနာ ရန်သူကို ရင်ဆိုင်ဖို့ ထွက်ပါရေ။ ယေခါတပ်မှူးတိကချင်းပျံ၏အမိန့် ကို မနာယူကတ်ပါဗျာယ်၊ ပြန်တိုက်ဖို့ ငြင်းဆန်ကတ်ပါရေ။ ချင်းပျံနန့် သူ့ တပ်တိလည်း တကွဲတပြားထွက်ပြီးဖို့ ကျလားပါရေ။ မျှော်လင့်ချက်မယှိဗျာယ်ဆိုစွာ သိလာရေအတွက် ချင်းပျံရေ နောက်လိုက်နောက်ပါရို့ ကိုစုစည်းပနာ စစ်တကောင်းယှိ ဗြိတိသျှပိုင်နက်ထဲကိုဝင်ပြီးရပါရေ။
ချင်းပျံကိုသူရို့ လက်ထဲအပ်ဖို့  မြန်မာမြို့ ဝန်၏တောင်းဆိုချက်ကို အင်္ဂလိပ်တိကပြတ်ပြတ်သားသားငြင်းပယ် ပစ်ပါရေ။ ယေခါမြန်မာမြို့ ဝန်က ချင်းပျံ၏နောက်လိုက်တိထဲက ရသမျှကို ကတိအမျိုးမျိုးပီးပနာ သွီးဆောင်ပြန်ခေါ်ပါ ရေ။ ပြန်ပါလာရေ ရခိုင်သားတိကို ရခိုင်ပြည်ရောက်စွာနန့် အပြတ်ယှင်းပစ်လိုက်ပါရေ။ ယင်းကစလို့  မြန်မာပြည်နန့်  ရခိုင်ပြည် နှစ်ခုစလုံးမှာ ရခိုင်သားတိကို မျိုးဖြတ်သုတ်သင်ပွဲတိဖြစ်လာလတ်ပါရေ။ ချင်းပျံ၏ပုန်ကန်မှုစွာ စုစုပေါင်း တစ်လရာခံခပါရေ။
ပထမဆုံးရခိုင်မြို့ ဝန်စွာ မင်းကြီးကျော်ထင်ပါ။အုပ်ချူပ်ပြီးလို့  ၁၈-လအကြာ (၁၁၇၅ ခုနှစ်)မှာ ကွယ်လွန်ပါရေ။ နောက်မဟာနော်ရထာမြို့ ဝန်ဖြစ်လာပါရေ။ ၁၁၇၄-၁၁၇၅ (ခရစ် ၁၈၁၂-၁၈၁၃)ကာလအတွင်း ရခိုင်ပြည်မှာ ဒုဗ္ဗိက္ခန္တရကပ်အကြီးအကျယ်ဖြစ်တေအတွက် လူထောင်ပေါင်းများစွာ သီကြီကတ်ရပါရေ။
၁၁၈၀ ခုနှစ် (ခရစ် ၁၈၁၈)မှာ ရမ်းမြဲမြို့ ဝန်နေမျိုးသူက အရှိအိန္ဒိယကုမ္ပဏီဘားသို့ စာရွီးအကြောင်းကြားပါရေ။ စစ်တကောင်းနယ်က တချို့ သောနယ်တိကို ရခိုင်ကအစိုင်အလာပိုင်ဆိုင်ကြောင်း၊ ယင်းကြောင့် ရောင်ပူ၊ ကောက်ပဇား၊ ကောက်တီးယားနန့် ဝန်းကျင်ဒေသတိမှာ နိန်ထိုင်ကတ်တေ (ရခိုင်) မိသားစုတစ်သိန်းစွာ မြန်မာရို့ ၏ အုပ်ချူပ်မှုအောက်မှာယှိကြောင်းတောင်းဆိုစွာပါ။ ယပြီးကေ ယင်းရခိုင်သားတိမှာ မြန်မာအစိုးရကိုအခွန်ဆက်သရဖို့ ၊ မပီးခကေ အင်္ဂလိပ်တိကိုတိုက်ခိုက်ဖျက်ဆီးပစ်ဖို့ လို့ လည်းဖော်ပြထားပါရေ။
ဘုရင်ခံချူပ်က ရန်ကုန်မြို့ ဝန်သတိုးမင်းလှဘားသို့ စာရွီးပနာ မြန်မာတိကစစ်တိုက်ခိုက်ဖို့ အလိုယှိရေဆိုကေ သူ့ ဘက်ကလည်းယင်းကိစ္စအတွက် အဆင်သင့်ပြင်ဆင်ထားကြောင်း၊ ယင်းပိုင်ရာစစ်ပြိုင်တိုက်ခိုက်ကတ်ဖို့ ဆိုကေ မြန်မာရို့ ဘက်ကထောင်ပြတ်သောင်းပြတ်သီပျောက်ကတ်မယ်စွာကိုတွက်လို့ သူသီးခံနိန်စွာဖြစ်ကြောင်း အကြောင်း ကြားလိုက်ပါရေ။
(၆) နှစ်အုပ်ချူပ်ပြီးရေနောက်မှာ ရခိုင်မြို့ ဝန်မဟာနော်ရထာကို ရာထူးကနုတ်ပယ်လိုက်ပါရေ။ ကြာရိုးဆိုရေလူက မင်းကြီးကျော်ထင်ဘွဲ့ ခံပနာ ၁၁၈၁ (ခရစ် ၁၈၁၉)မှာ ဆက်ခံပါရေ။ ဒေပုဂ္ဂိုလ်ကတော့ခါ သူပြုမှုဆောင်ရွက်တေ ကိစ္စအားလုံးမှာ မတရားပြုကျင့်သူဖြစ်ပါရေ။ အမှန်စကားတခွန်းမဆိုဘဲ အခွန်ငွေကိုလည်း အဓမ္မအပိုကောက်ခံပါရေ။
ခရစ် ၁၈၁၉ မှာ ဘိုးတော်ဘုရားလွန်ပါရေ။ စစ်ကိုင်းမင်း (ခေါ်) ဘကြီးတော်နန်းတက်ပါရေ။ အင်္ဂလိပ်ရို့ ၏ခွင့်ပြုချက် အရ ဘိုးတော်ဘုရား၏အရိုးတိကို ဗုဒ္ဓဂါယာမှာ မြုပ်နှံပါရေ။
ရခိုင်မြို့ ဝန်ကြာရိုးစွာ (၂)နှစ် အုပ်ချူပ်ခပါရေ။ ၁၁၈၃ (ခရစ် ၁၈၂၁)မှာ မင်းကြီးကျော်စွာ ဆက်ခံပါရေ။ ၁၁၈၅ မှာ ပထမအင်္ဂလိပ်-မြန်မာစစ်ဖြစ်ပွါးပါရေ။ အကြောင်းရင်းက အေပိုင်ပါ။
ရခိုင်ပိုင်နယ်နန့် အင်္ဂလိပ်ပိုင်နယ်ကြားမှာ နတ်မြစ်ကခွဲခြားထားပါရေ။ ယင်းမြစ်မှာ ရခိုင်ရို့ က ရှင်မဖြူလို့ ခေါ်ရေ ကျွန်းတစ်ကျွန်းယှိပါရေ။ အေကျွန်းပိုင်ဆိုင်မှုအငြင်းပွါးရာက စစ်ပွဲဖြစ်လာရစွာပါ။
ပထမခါ မြန်မာရို့ က ယင်းကျွန်းမှာ စခန်းချပါရေ။ တစ်ရက်ခါ အင်္ဂလိပ်ပိုင် စစ်တကောင်းနယ်က ရခိုင်သားတစ် ယောက်စွာ စပါးလောင်းနန့် ယင်းကျွန်းနားကဖြတ်လားပါရေ။ မြန်မာတပ်ကပစ်ခတ်လို့  ယင်းလူသီရလီပါရေ။ ကျန်ရေ လူတိလက်လွတ်ထွက်ပြီးပနာ အကြောင်းစုံကိုစစ်တကောင်းအုပ်ချူပ်ရေးမှူးဘားမှာ တင်ပြတိုင်တန်းကတ်ပါရေ။ အုပ်ချူပ်ရေးမှူးက ဘုရင်ခံချူပ်ဘားကိုထပ်ဆင့်အစီရင်ခံပါရေ။ ပြဿနာကိုအကောင်းဆုံးဖြေယှင်းဖို့ အတွက် မစ္စတာရောဘတ်ဆင်ကို စစ်တကောင်းအုပ်ချူပ်ရေးမှူးအဖြစ်ခန့် အပ်ပါရေ။ ယင်းအရာယှိက အင်္ဂလိပ်ရို့ ၏အကျိုးစီးပွါး ကို ကာကွယ်ဖို့ ဆိုရေ ရည်ရွယ်ချက်နန့် စစ်သားတပ်ခွဲတစ်ခုကို ရှင်မဖြူကျွန်းမှာတပ်စွဲလိုက်ပါရေ။
ယင်းချင့်ကို မြန်မာရို့ ကခိုးကြောင်ခိုးဝှက်လာရောက်တိုက်ခိုက်တေအတွက် တပ်ခွဲမှူးထွက်ပြီးလားရပါရေ။ အကြောင်းစုံကို မစ္စတာရောဘတ်ဆင်က ဘုရင်ခံချူပ်ဘားသို့  အစီရင်ခံပါရေ။ ဘုရင်ခံချူပ်က ရခိုင်ပြည်မှာယှိရေ မြန်မာတပ်တိကို တိုက်ထုတ်ပစ်လိုက်ပနာ ရခိုင်ပြည်ကို အဂ်လိပ်လက်အောက်သို့ သိမ်းသွင်းဖို့ အမိန့် ထုတ်ပြန်ပါရေ။
မြန်မာရို့၏ အုပ်ချုပ်မှုကာလအစပိုင်းမှာခါ အားနည်းပျော့ညံ့ကေလည်း ကိုယ်အားကိုယ်ကိုးပနာ တော်လှန်ပုန်ကန်မှုတိ ယှိခလီပါရေ။ ဗိုလ်ချုပ်တစ်ယောက်က နောက်လိုက်နောက်ပါ တဆိတ်ကေနန့် ပုန်ကန်ပါရေ။ မအောင်မြင်ပါ။ ပုန်ကန်သူတိကို မြန်မာရို့ဖမ်းမိလားခရေအခါ ယင်းပုန်ကန်သူတိပါ၊ ပုန်ကန်သူရို့၏အမျိုးအဆွီတိပါ၊ ပုန်ကန်ရေဒေသက ရပ်သူရပ်သားတိပါ ထောင်ပေါင်းများစွာသော လူတိကို ရက်ရက်စက်စက် သတ်ဖြတ်သုတ်သင်ပစ်ပါရေ။ ယင်းပိုင်ပုန်ကန်မှုတိမျိုး ဆက်တိုက်ဆက်တိုက် ဖြစ်ပေါ်လာရေအခါမှာ ရခိုင်တစ်ပြည်လုံး လူပေါင်းသိန်းပေါင်းများစွာ အသတ်ဖြတ်ခံကတ်ရပါရေ။
၁၅ ရာစုနန့် ၁၆ ရာစုကာလအတွင်း ရခိုင်ပြည်ဆိုစွာ ကမ္ဘာ့အရှိပိုင်းမှာ အင်အားအကြီးမားဆုံးတိုင်းပြည်တိထဲက တစ်ခုဖြစ်တေလို့ပေါ်တွင်မှတ်တမ်းတိမှာ ဖော်ပြထားပါရေ။ ရခိုင်ဘုရင်မှာအမြဲတမ်းစစ်တပ်ကြီးတစ်ခုယှိရေ၊ စစ်ပညာကျွမ်းကျင်တတ်မြောက်တေ၊ စစ်ရီးအတွံ့အကြုံကြွယ်ဝရေဆိုစွာ သိရပါရေ။ နိူင်ငံခြားတိုင်းပြည်တိနန့် ကုန်သွယ်ရောင်းဝယ်မှုတိယှိခရေ၊ ရခိုင်ပြည်၏လူဦးရေလည်းသွင့် အဂုခေတ်သစ်ကြွယ်ဝချမ်းသာရေနိူင်ငံတိမှာယှိရေလူဦးရေတိနန့် နှိုင်းယှဉ်ကြည့်နိူင်ရေလို့ဆိုပါရေ။ ဗြိတိသျှ၊ အင်္ဂလိပ်ရို့ သိမ်းပိုက်မိရေအခါမှာ ရခိုင်ပြည်မှာလူဦးရေ တက်တက်ပြောင်နီပါဗျာယ်။ ပုန်ကန်တော်လှန်မှုတိ ငြိမ်သက်လားအောင်ဆိုရေ ရည်ရွယ်ချက်နန့် အစုလိုက်အပြုံလိုက်သတ်ဖြတ်သုတ်သင်ပစ်မှုတိကြောင့် အခုပိုင်လူဦးရေလျော့နည်းလာရခြင်းဖြစ်ပါရေ။
တော်လှန်ပုန်ကန်မှုတိဖြစ်ခစွာထဲမှာ ဟာရီဆွေ(Hari Tsway)ခေါင်းဆောင်ရေပုန်ကန်မှုကတော့ခါ မြန်မာရို့ကိုအကြီးအကျယ် ဒုက္ခပီးနိူင်ခပါရေ။ မြန်မာရို့ အုပ်ချုပ်မှုကိုလည်း ဂယောက်ဂယက်ဖြစ်လားစီခပါရေ။ ဟာရီဆွေနန့် သူ့နောက်လိုက်နောက်ပါတိစွာ မြန်မာတပ်တိကို အကြိမ်ပေါင်းများစွာ လာရောက်စီးနင်းတိုက်ခိုက် အောင်ပွဲခံနိူင်ခပါရေ။ နောက်ဆုံးမှာ မြန်မာတပ်တိစွာ မြောက်ဦးမြို့ တွင်းထဲအထိ ဆုတ်ခွာပနာခုခံနီခကတ်ရပါရေ။ ဟာရီဆွေ၏ တပ်တိစွာမြို့ ပြင်နန့် သုံးမိုင်အကွာမှာ စခန်းချဝန်းရံထားပါရေ။ ယင်းပိုင်အချိန်မှာ ရမ်းဗြဲနန့်မာန်အောင်ရို့ကရခိုင်ခေါင်းဆောင်တိစွာ ဟာရီဆွေနန့်ပူးပေါင်းလာကတ်ပါရေ။ ယကေလည်း စစ်ဆင်ရေးစီမံချက်တိနန့် ပတ်သက်လို့သဘောထားချင်းမကိုက်ညီရေအတွက် မကြာခင်မှာပင် ပြန်လားခကတ်ပါရေ။ ယင်းကြောင့် ရခိုင်ပြည်လွတ်မြောက်ရေးအတွက် သွီးစည်းညီညွတ်စွာတော်လှန်တိုက်ခိုက်ဖို့ကိစ္စစွာ မျှော်လင့်ချက်ကင်းမဲ့လားခရပါရေ။
ယင်းကစလို့ ရခိုင်ပြည်အတွက် ဂြိုလ်ဆိုးကြီးဝင်စွာပါဗျာယ်ယေ။ တော်လှန်ပုန်ကန်မှုအရှုံးနန့် အဆုံးသတ်လားခပနာ ဟာရီဆွေလည်းစစ်တကောင်းကိုထွက်ပြီး ခိုလှုံလားခပါရေ။ မြန်မာတပ်တိက သူ့ကိုလိုက်ဖမ်းပါသိရေ။ ရာမူးယှိ အင်္ဂလိပ်တပ်တိက မြန်မာတပ်တိကိုတားဆီးထားလိုက်လို့ လွတ်မြောက်လားခစွာပါ။ ဟာရီဆွေကို သူ့ရို့ လက်သို့အပ်ဖို့မြန်မာရို့ တောင်းဆိုစွာကို အင်္ဂလိပ်တိက ပြင်းပြင်းထန်ထန်ငြင်းပစ်လိုက်တေအတွက် မြန်မာရို့ လက်ခစဲ ပြန်လာကတ်ရပါရေ။ ယင်းချင့်စွာ ရခိုင်သက္ကရာဇ် ၁၁၅၂မှာဖြစ်ပျက်ခစွာပါ။
အေဒီ ၁၇၉၀မှာ အင်္ဂလိပ်တိအနီနန့် ရခိုင်ပြည်ကိစ္စမှာ ပထမဆုံးဝင်ရောက်ပတ်သက်မှုလည်းဖြစ်ပါရေ။
ခရစ် ၁၇၉၃ မှာ ရမ်းဗြဲကဗိုလ်ပေါလုံး(Pow Loon)ခေါင်းဆောင်ရေ ပုန်ကန်မှုကြီးတစ်ခု ပြင်းပြင်းထန်ထန်ဖြစ်ပွားပြန်ပါရေ။ ကာလတစ်ခုအထိတော့ခါ ပုန်ကန်မှုစွာအောင်မြင်ခပါရေ။ ယေဒါလည်း သူ့ မှာက လက်နက်လူသူအင်အား ကန့် သတ် ချက်ဟိစွာပါကို။ ယေနန့် သူရို့ လည်း စစ်တကောင်းကိုဝင်ပြီးပနာ အင်္ဂလိပ်တို့  ၏အကာအကွယ်ပီးမှုကို တောင်းခံကတ်ရစွာပါဗျာယ်။ ဗိုလ်ပေါလုံးဆိုစွာ ဥပဒေပြင်ဘက်က လူဆိုးဓားမရရာဖြစ်တေအတွက် အင်္ဂလိပ်ပိုင်နက်ထဲမှာ ခိုလှုံခွင့်ပီးစွာမှားရေ၊ သူရို့ လက်ထဲသို့ အပ်ပါလို့  မြန်မာရို့  ကတောင်းခံပါရေ။ စစ်တကောင်းစွာ ယင်းခါက အရှိအိန္ဒိယကုမ္ပဏီပိုင်နက်ပါ။ ယင်းကိစ္စကို ဥရောပသား (အင်္ဂလိပ်) တစ်ယောက်က တာဝန်ယူဖြေယှင်းရပါရေ။ယင်းသူက ဗိုလ်ပေါလုံးကိစ္စကို ကုမ္ပဏီသို့ တင်ပြပါရေ။ ဒေလူစွာ အဂေါင့်ရာ ဓားမရဆိုကေ ဖမ်းပနာအကျဉ်းချထား၊ ဓားမရမဟုတ်ကေ လွှတ်ပီးလိုက်လို့  ကုမ္ပဏီကအမိန့် ချပါရေ။
ယေခါမြန်မာရို့ က ယင်းအင်္ဂလိပ်ကို ငွေကြေးအများအပြားလာဘ်ထိုးလိုက်တေအတွက် ဗိုလ်ပေါလုံးကိုဖမ်းပနာ မြန်မာရို့ လက်ကိုပီးအပ်လိုက်ပါရေ။ ဗိုလ်ပေါလုံးကို မြန်မာပြည်သို့ ခေါ်ယူပနာသုတ်သင်ပစ်လိုက်ပါရေ။ နောက်ပိုင်းမှာ ယင်းအင်္ဂလိပ်၏မရိုးမသားဆောင်ရွက်လုပ်ကိုင်မှုကို ကုမ္ပဏီဒါရိုက်တာတိကြားသိလားခရေအတွက် သူ့ ကိုရာထူး ချပနာ အရေးမပါသောစစ်ရေးတာဝန်တစ်ခု ပီးထားလိုက်ပါရေ။
သက္ကရာဇ် ၁၁၅၇ (ခရစ် ၁၇၉၅)မှာ မိတ္ထိလာကန်ဘောင်တစိတ်တဒေသ ပေါက်ထွက်ပြိုကျလားပါရေ။ ယင်းချင့်ကိုပြန်လို့ ပြုပြင်ဖို့ အတွက် ရခိုင်သားတစ်ထောင်ကို အာဏာနန့် အဓမ္မပို့ ပါရေ။ ဇာကြောင့်လဲတော့ခါမသိပါ။ ယင်းရခိုင်သားအားလုံး တစ်ယောက်မကျန် မိတ္ထိလာမှာ သီပျောက်လားခကတ်ပါရေ။
၁၁၅၉ ခုနှစ် (ခရစ် ၁၇၉၇)မှာ မြန်မာရို့ သိမ်းယူလားခရေ ပိဋကတ်သုံးပုံကို ဘိုးတော်ဘုရားအမိန့် နန့် ပြန်ပို့ ပနာ မြောက်ဦးမြို့ တော်၏အရှိဘက်မှာ ပိဋကတ်တိုက်တည်ဆောက်လို့ ထိန်းသိမ်းထားလီပါရေ။
မြန်မာအုပ်စိုးသူရို့ ၏ ရခိုင်ပြည်မှာ ကျင့်သုံးပြုမူလားခရေ ရက်စက်မှုတိ၊ လူသားမဆန်မှုတိစွာ သမိုင်းမှာတစ်ပုတပင် သက်သီပြလို့ ယှိလီပါရေ။ ဘယ်သယ်ပိုင်တစ်ခုလည်း ခုခံကာကွယ်နိုင်စွမ်းမယှိရေ ယောင်္ကျား၊မိန်းမ၊ အချေသူငယ်တိကို မဟုတ်မမှန်စွပ်စွဲပြောဆိုပနာ အစုလိုက်အပြုံလိုက်သုတ်သင်သတ်ဖြတ်မှုတိ နိစဉ်နန့်  အမျှယှိနိန်ပါရေ။ ရခိုင်ပြည်ကို မြန်မာရို့ အုပ်စိုးမှု နှစ် ၄၀ သမိုင်းဆိုစွာ သွီးချောင်းစီးသမိုင်းတစ်ခုပါဗျာယ်။ အတိတ်ကာလက ယှိခဖူးရေ ဇာတိုင်းပြည်တခု၏သမိုင်းမှာလည်း ဒေပိုင်ရက်စက်ယုတ်မာမှုမျိုး မယှိခလီဖူးပါ။
ယင်းအတွက်ကြောင့် မြန်မာရို့ လက်ထဲကအာဏာကို အင်္ဂလိပ်ရို့ လွှဲပြောင်းယူလိုက်တေအခါမှာ ရခိုင်တစ်ပြည်လုံးစွာတောကြီးမျက်မဲဖုံးပနာ စတုရန်းတစ်မိုင်မှာ နိန်ထိုင်သူလူပေါင်း ၂၀ ကျော်ရာကျန်လိုက်ဗျာယ်လို့  ဆိုကေ အံ့သြစရာယှိပါဖို့ သိလားယေ။
မြန်မာရို့ ၏ရွီတွက်လို့ မရနိုင်သော အစုအပြုံလိုက်သတ်ဖြတ်မှုတိကြောင့် လူဦးရေအကြီးအကျယ်လျော့နည်း ကျဆင်းလားခရေ တိုင်းပြည်တစ်ခုမှာ တိုင်းပြည်တစ်ခုမှာ ငြိမ်းချမ်းတည်ငြိမ်မှုမြှင့်တင်ပီးဖို့ ရည်ရွယ်ချက်နန့်  ဘုရင်ခံချူပ်က ရခိုင်ပြည်အတွက်ခန့် အပ်စီလွှတ်လိုက်တေ အင်္ဂလိပ်အရာယှိတစ်ယောက်၏အကြောင်းကို ရခိုင်ရာဇ၀င်ထဲမှာ မှတ်တမ်းတင်ထားယှိပါရေ။ ယင်းအရာယှိစွာ (………….) တစ်ယောက်ဖြစ်ပြီးကေ သူ့  ကို ရခိုင်သားရို့ က (……………..) လို့  ခေါ်ကတ်ပါရေ။ ယင်းပုဂ္ဂိုလ်စွာ သူ့ တာဝန်တိကို တစ်စိတ်တစ်ပိုင်း ဆောင်ရွက်အောင်မြင်ခပါရေ။ ယပြီးကေ အိန္ဒိယနန့်  ရခိုင်ပြည်ရို့ ကုန်းလမ်းကုန်သွယ်မှု ဆက်ဆံရေးပွင့်လင်းလာဖို့  အတွက်လည်း ကြိုးပမ်းပီးခပါရေ။ ၁၁၆၁ ခုနှစ် (ခရစ် ၁၇၉၉) မှာပါ။ ယင်းကုန်သွယ်ရေးညီလာခံစွာ အောင်ဆိပ် (Aungtsit) က ဘားဘူတောင်ခြီရင်းမှာ ကျင်းပပြုလုပ်ခစွာဖြစ်ပါရေ။
အင်းဝဘုရင်က ရခိုင်သားတိအပေါ်မှာ ပီးအပ်ချမှတ်တေ တာဝန်တိကိုအောက်မှာဖော်ပြလိုက်ပါရေ။
ခရစ် ၁၈၀၀ ပြည့်မှာ အိမ်ထောင်စုတစ်စုစီကို ၃ ခု ထပ်ခွဲပစ်ပနာ အိမ်ထောင်စုတိုင်းအတွက်မြီခွန်ကောက်ယူပါရေ။ နောက် ၆ လအကြာမှာ လူပျို ၃၀၀ ကို ဘုရင့်နန်းတော်မှာ တာဝန်ထမ်းဆောင်ဖို့  ပို့ လွှတ်ပါရေ။ ယင်းသူရို့ ၏ လက်မောင်းမှာ ဘုရင်မင်းမြတ်၏ကျွန်ဖြစ်ကြောင်း မှင်ထိုးပီးပါရေ။ ၁၈၀၁ ခုနှစ် ဖေဖော်ဝါရီလမှာ ရခိုင်သားတစ်ထောင်ကို စစ်မှုထမ်းဖို့ အတွက် မြန်မာပြည်သို့ ပို့ ပါရေ။ ၁၈၀၂ ခုနှစ်ကစလို့  ရခိုင်သားတစ်ယောက်စီ ၁ ကျပ်ကျအခွန်ဆောင်ရပါရေ။ နို့ စို့ ချေ တောင်ကင်းလွတ်ခွင့်မရပါ။ ယင်းချင့်ကို (………..) လို့ ခေါ်ပါရေ။ ၁၈၀၃ ခုနှစ်မှာ ရခိုင်သားတိအားလုံးအမရပူရကိုလားပနာ ဆင်ဖြူတော်ကိုဖူးမျှော်ပူဇော်ကတ်ရပါရေ။ ၁၈၀၅ ခုနှစ်မှာ ပုံမှန်ပီးဆောင်နိန်ကျ အခွန်ငွေမှာထပ်ပနာလူတစ်ယောက်စီ တစ်ကျပ်နှုန်းအခွန်ထပ်ဆောင်ကတ်ရပါရေ။ ပထမကောက်ခံစွာ မလုံလောက်လို့ ပါလတ်။ နောက် ၂ နှစ်အကြာမှာ မြန်မာတပ်တိ ယိုးဒယားကို စစ်ချီတက်ကတ်ရပါရေ။ ရခိုင်ပြည်က စစ်သားတိအားလုံးလည်း လိုက်ပါကတ်ရပါရေ။ ၁၈၀၉ ခုနှစ်မှာ ဘိုးတော်ဘုရားက သံတွဲမြို့ စားကို အိန္ဒိယပြည် ကပ္ပိလ၀တ္ထုမြို့ သို့  စီလွှတ်ပနာ ကပ္ပိလရသေ့၏ရုပ်ထုကိုအရှာခိုင်း ပါရေ။ မရခပါ။ အာသောကမင်းကြီးသွန်းလုပ်ကိုးကွယ်ခရေ ဗုဒ္ဓရုပ်ပွားတော်နှစ်ဆူ၊ ဗုဒ္ဓဂါယာက ဓါတ်တော်မွီတော်တဆိတ်ကေနန့် ပြန် လာလတ်ပါရေ။
သက္ကရာဇ် ၁၁၇၃ (ခရစ် ၁၈၁၁)မှာ ဧရာမပုန်ကန်တော်လှန်မှုကြီးတစ်ခုဖြစ်ပွါးလာပါရေ။ ယင်းပုန်ကန်မှုကို လူစွမ်းကောင်းတစ်ယောက်ဖြစ်တေ ဗိုလ်ချင်းပျံက ဦးဆောင်ပါရေ။ စွမ်းရည်သတ္တိနန့် နည်းပရိယာယ်ကြွယ်ဝ ရေအတွက် နောက်လိုက်နောက်ပါနန့် လက်ထောက်ခေါင်းဆောင်ချေတိအများအပြားစုဆောင်းရယှိပါရေ။ ချင်းပျံ၏ ပုန်ကန်မှုစွာ နတ်မြစ်ကမူလဇစ်မြစ်အစပြုလာစွာပါ။ နောက်ပိုင်းခါတဆတ်ဆတ်နန့်  ရခိုင်ဒေသတစ်ခုလုံးက ရခိုင်သားရို့ ၏ထောက်ခံအားပီးမှုကို ရယှိလာစွာဖြစ်ပါရေ။ နှိမ်နှင်းဖို့ လွှတ်လိုက်တေ မြန်မာတပ်တိလည်း ချင်းပျံတပ်တိဘားမှာ ထထွက်ကြီလားရစွာပါဗျာယ်။ အောင်ပွဲတိအလီလီရလာပြီးရေခါ ချင်းပျံရို့ စွာ မြောက်ဦးမြို့ တော်သို့ ချီတက်လတ်ကတ်ပါရေ။ ချီတက်ရာလမ်းတလျှောက်မှာ တပ်အင်အားလည်း ပိုလို့ ကြီးထွားလာပါရေ။ ယင်းကြောင့်တပ်ခွဲတိအများအပြားခွဲပနာ စစ်ရီးအရအရေးကြီးရေနိန်ရာတိမှာ တပ်စွဲထား၊ တပြည်လုံးမှာပြန့် ကြင်းနိန်ရေ မြန်မာတပ်တိတခုနန့် တခုအဆက်အသွယ်မလုပ်နိုင်အောင် ဖြတ်တောက်ထားလိုက်နိုင်ပါရေ။ ယင်းသေနင်္ဂဗျူဟာစွာ အလှပလှအောင်မြင်ပါရေ။ မြန်မာရို့ အထိနာ နိန်ကတ်ဗျာယ်ဆိုရေသတင်းကို ကြားသိရရေ အတွက် အင်းဝမင်းစွာ မင်းလှစည်သူကို ဦးစီးခန့် ပနာ ကြီးမားသောတပ်အင်အားကြီးတခုကို ရခိုင်ပြည်သို့ စီလွှတ်ပါ ရေ။ ယေဒါလည်း မိုးကျလာဗျာယ်ဖြစ်လို့  မင်းလှစည်သူစွာ သူ့ တပ်အင်အားကို သရေခေတ္တရာ (ပြည်)မှာ စခန်းချပနာ ရခိုင်သို့ ချီတက်မှုကို ဆိုင်းငံ့ထားလိုက်ပါရေ။
ယင်းပိုင်အခြေအနေမျိုးမှာ ရခိုင်ပြည်ကမြန်မာတပ်တိလည်းတွိရေနိန်ရာမှာ ချေမှုန်းခံရရေအတွက် ဇာလုပ်ရမှန်း
မသိ မျှော်လင့်ချက်ကင်းမဲ့ရေအဖြစ်ကို ရောက်နိန်ကတ်ရပါရေ။
မိမိအနေနန့် အသာစီးရလာဗျာယ်ဆိုစွာသိလာရေခါ ရခိုင်ခေါင်းဆောင်ချင်းပျံစွာ ကုလားတန်မြစ်၏အနောက်ဖက် ဇာဝတီ/ဇေ၀တီ (Zawadi/Zaiwadi) မြို့ မှာ ဘိသိက်ခံပြီးကေ ဓနုဓမ္မရာဇာဘွဲ့ ကိုခံယူလိုက်ပါရေ။ သူ့ ဘွဲ့ နာမေပါရေ ဒင်္ဂါးတိကိုလည်း ခပ်နှိပ်ပါရေ။ ငွေကြေးတတ်နိုင်ရေ အမျိုးသား၊အမျိုးသမီးတိဘားက တစ်ယောက်ကို ၂၁ ရူပီးစီအခွန်ကောက်ခံပါရေ။ ယင်းပိုင်နန့် ပင် ဗိုလ်ချင်းပျံစွာ မင်းဆိုးမင်းညစ်တစ်ပါး ဖြစ်လာလတ်ပါရေ။ ပြောဆိုအကြံပီးမှုတိကိုလည်း မနာမယူထိုးကန်းလုပ်ပနာ ရက်စက်ကြမ်းကြုတ်လာပါရေ။ နောက်လိုက်ငယ်သားတိကို လည်း ညှာတာထောက်ထားမှုမယှိရေအတွက် တဆတ်ဆတ်နန့် ဗိုလ်ချင်းပျံကို အကြည်ညိုပျက်လာကတ်ပါရေ။ ဗိုလ်ချင်းပျံ၏အာဏာလွှမ်းမိုးမှုတာမရှည်ခစွာ ယင်းပိုင်အကြောင်းခံတိကြောင့်ပါ။ ရခိုင်ပြည်သူလူထုရို့ ၏အမြင်မှာ ချင်းပျံနန့် စာကေ မြန်မာရို့ ၏နှိပ်စက်ညှင်းပန်းမှုပင်က သက်သာသိယင့်ဆိုစွာမျိုးဖြစ်လာရေအတွက် မြန်မာတိက နောက်ပိုင်းထိုးစစ်ဆင်တိုက်ခိုက်လာရေအခါ မြန်မာတိကိုရာ အကူအညီပီးကတ်လီပါရေ။ မြောက်ဦးမြို့ ဝန်ငထင်ကျော် စွာ စစ်ရီးကျွမ်းကျင်ရေ တပ်တစ်တပ်ကိုဦးစီးပနာ ချင်းပျံကိုတိုက်ခိုက်နှိမ်နှင်းပါရေ။ ရခိုင်ပြည်အနှံတပ်စွဲထားရေ ချင်းပျံတပ်တိကိုလည်း အနိုင်ရလိုက်နိုင်ပါရေ။ ယင်းခါကပင်စလို့  ချင်းပျံ၏သြဇာအာဏာနန့် ချင်းပျံအပေါ်နောက်လိုက် ငယ်သားရို့ ၏ယုံကြည်အားထားမှုတိ ယုတ်လျော့လာလတ်ပါရေ။
မြန်မာတပ်တိချီတက်တိုက်ခိုက်လာရေအတွက် ရခိုင်တပ်မှူးချေတိလည်း ဇာဝတီ/ဇေ၀တီမြို့ သို့ ထွက်ပြီးလာကတ် ပနာ ဘုရင်ချင်းပျံဘားမှာ မိမိရို့ ၏ရှုံးနိမ့်မှုကို အစီရင်ခံလာကတ်ပါရေ။ ဇာပိုင်လုပ်ကေ အကောင်းဆုံးဖြစ်ဖို့ လဲဆိုစွာ ဆွေးနွေးတိုင်ပင်ကတ်တေအခါ တစ်ယောက်ကလည်းတစ်ခွန်းမဟကတ်ပါဗျာယ်။ ဗိုလ်မှူးတစ်ယောက်ကရာ အဂု အခြေအနေကိုရောက်လာပြီးမှ စုစည်းခုခံလို့ အောင်မြင်ကေလည်း အကျိုးမယှိဗျာယ်ဖြစ်ကြောင်း၊ ဒေခန်းမကိုစွန့် ခွာ လားစွာရာ ကောင်းဖို့ ဖြစ်ကြောင်းပြောဆိုတင်ပြပါရေ။
နောက် ၄-၅ ရက်အကြာမှာ မြန်မာတပ်တိချီလာဗျာယ်ဆိုစွာ ချင်းပျံသတင်းရပါရေ။ တပ်တိကိုစုစည်းပနာ ရန်သူကို ရင်ဆိုင်ဖို့ ထွက်ပါရေ။ ယေခါတပ်မှူးတိကချင်းပျံ၏အမိန့် ကို မနာယူကတ်ပါဗျာယ်၊ ပြန်တိုက်ဖို့ ငြင်းဆန်ကတ်ပါရေ။ ချင်းပျံနန့် သူ့ တပ်တိလည်း တကွဲတပြားထွက်ပြီးဖို့ ကျလားပါရေ။ မျှော်လင့်ချက်မယှိဗျာယ်ဆိုစွာ သိလာရေအတွက် ချင်းပျံရေ နောက်လိုက်နောက်ပါရို့ ကိုစုစည်းပနာ စစ်တကောင်းယှိ ဗြိတိသျှပိုင်နက်ထဲကိုဝင်ပြီးရပါရေ။
ချင်းပျံကိုသူရို့ လက်ထဲအပ်ဖို့  မြန်မာမြို့ ဝန်၏တောင်းဆိုချက်ကို အင်္ဂလိပ်တိကပြတ်ပြတ်သားသားငြင်းပယ် ပစ်ပါရေ။ ယေခါမြန်မာမြို့ ဝန်က ချင်းပျံ၏နောက်လိုက်တိထဲက ရသမျှကို ကတိအမျိုးမျိုးပီးပနာ သွီးဆောင်ပြန်ခေါ်ပါ ရေ။ ပြန်ပါလာရေ ရခိုင်သားတိကို ရခိုင်ပြည်ရောက်စွာနန့် အပြတ်ယှင်းပစ်လိုက်ပါရေ။ ယင်းကစလို့  မြန်မာပြည်နန့်  ရခိုင်ပြည် နှစ်ခုစလုံးမှာ ရခိုင်သားတိကို မျိုးဖြတ်သုတ်သင်ပွဲတိဖြစ်လာလတ်ပါရေ။ ချင်းပျံ၏ပုန်ကန်မှုစွာ စုစုပေါင်း တစ်လရာခံခပါရေ။
ပထမဆုံးရခိုင်မြို့ ဝန်စွာ မင်းကြီးကျော်ထင်ပါ။အုပ်ချူပ်ပြီးလို့  ၁၈-လအကြာ (၁၁၇၅ ခုနှစ်)မှာ ကွယ်လွန်ပါရေ။ နောက်မဟာနော်ရထာမြို့ ဝန်ဖြစ်လာပါရေ။ ၁၁၇၄-၁၁၇၅ (ခရစ် ၁၈၁၂-၁၈၁၃)ကာလအတွင်း ရခိုင်ပြည်မှာ ဒုဗ္ဗိက္ခန္တရကပ်အကြီးအကျယ်ဖြစ်တေအတွက် လူထောင်ပေါင်းများစွာ သီကြီကတ်ရပါရေ။
၁၁၈၀ ခုနှစ် (ခရစ် ၁၈၁၈)မှာ ရမ်းမြဲမြို့ ဝန်နေမျိုးသူက အရှိအိန္ဒိယကုမ္ပဏီဘားသို့ စာရွီးအကြောင်းကြားပါရေ။ စစ်တကောင်းနယ်က တချို့ သောနယ်တိကို ရခိုင်ကအစိုင်အလာပိုင်ဆိုင်ကြောင်း၊ ယင်းကြောင့် ရောင်ပူ၊ ကောက်ပဇား၊ ကောက်တီးယားနန့် ဝန်းကျင်ဒေသတိမှာ နိန်ထိုင်ကတ်တေ (ရခိုင်) မိသားစုတစ်သိန်းစွာ မြန်မာရို့ ၏ အုပ်ချူပ်မှုအောက်မှာယှိကြောင်းတောင်းဆိုစွာပါ။ ယပြီးကေ ယင်းရခိုင်သားတိမှာ မြန်မာအစိုးရကိုအခွန်ဆက်သရဖို့ ၊ မပီးခကေ အင်္ဂလိပ်တိကိုတိုက်ခိုက်ဖျက်ဆီးပစ်ဖို့ လို့ လည်းဖော်ပြထားပါရေ။
ဘုရင်ခံချူပ်က ရန်ကုန်မြို့ ဝန်သတိုးမင်းလှဘားသို့ စာရွီးပနာ မြန်မာတိကစစ်တိုက်ခိုက်ဖို့ အလိုယှိရေဆိုကေ သူ့ ဘက်ကလည်းယင်းကိစ္စအတွက် အဆင်သင့်ပြင်ဆင်ထားကြောင်း၊ ယင်းပိုင်ရာစစ်ပြိုင်တိုက်ခိုက်ကတ်ဖို့ ဆိုကေ မြန်မာရို့ ဘက်ကထောင်ပြတ်သောင်းပြတ်သီပျောက်ကတ်မယ်စွာကိုတွက်လို့ သူသီးခံနိန်စွာဖြစ်ကြောင်း အကြောင်း ကြားလိုက်ပါရေ။
(၆) နှစ်အုပ်ချူပ်ပြီးရေနောက်မှာ ရခိုင်မြို့ ဝန်မဟာနော်ရထာကို ရာထူးကနုတ်ပယ်လိုက်ပါရေ။ ကြာရိုးဆိုရေလူက မင်းကြီးကျော်ထင်ဘွဲ့ ခံပနာ ၁၁၈၁ (ခရစ် ၁၈၁၉)မှာ ဆက်ခံပါရေ။ ဒေပုဂ္ဂိုလ်ကတော့ခါ သူပြုမှုဆောင်ရွက်တေ ကိစ္စအားလုံးမှာ မတရားပြုကျင့်သူဖြစ်ပါရေ။ အမှန်စကားတခွန်းမဆိုဘဲ အခွန်ငွေကိုလည်း အဓမ္မအပိုကောက်ခံပါရေ။
ခရစ် ၁၈၁၉ မှာ ဘိုးတော်ဘုရားလွန်ပါရေ။ စစ်ကိုင်းမင်း (ခေါ်) ဘကြီးတော်နန်းတက်ပါရေ။ အင်္ဂလိပ်ရို့ ၏ခွင့်ပြုချက် အရ ဘိုးတော်ဘုရား၏အရိုးတိကို ဗုဒ္ဓဂါယာမှာ မြုပ်နှံပါရေ။
ရခိုင်မြို့ ဝန်ကြာရိုးစွာ (၂)နှစ် အုပ်ချူပ်ခပါရေ။ ၁၁၈၃ (ခရစ် ၁၈၂၁)မှာ မင်းကြီးကျော်စွာ ဆက်ခံပါရေ။ ၁၁၈၅ မှာ ပထမအင်္ဂလိပ်-မြန်မာစစ်ဖြစ်ပွါးပါရေ။ အကြောင်းရင်းက အေပိုင်ပါ။
ရခိုင်ပိုင်နယ်နန့် အင်္ဂလိပ်ပိုင်နယ်ကြားမှာ နတ်မြစ်ကခွဲခြားထားပါရေ။ ယင်းမြစ်မှာ ရခိုင်ရို့ က ရှင်မဖြူလို့ ခေါ်ရေ ကျွန်းတစ်ကျွန်းယှိပါရေ။ အေကျွန်းပိုင်ဆိုင်မှုအငြင်းပွါးရာက စစ်ပွဲဖြစ်လာရစွာပါ။
ပထမခါ မြန်မာရို့ က ယင်းကျွန်းမှာ စခန်းချပါရေ။ တစ်ရက်ခါ အင်္ဂလိပ်ပိုင် စစ်တကောင်းနယ်က ရခိုင်သားတစ် ယောက်စွာ စပါးလောင်းနန့် ယင်းကျွန်းနားကဖြတ်လားပါရေ။ မြန်မာတပ်ကပစ်ခတ်လို့  ယင်းလူသီရလီပါရေ။ ကျန်ရေ လူတိလက်လွတ်ထွက်ပြီးပနာ အကြောင်းစုံကိုစစ်တကောင်းအုပ်ချူပ်ရေးမှူးဘားမှာ တင်ပြတိုင်တန်းကတ်ပါရေ။ အုပ်ချူပ်ရေးမှူးက ဘုရင်ခံချူပ်ဘားကိုထပ်ဆင့်အစီရင်ခံပါရေ။ ပြဿနာကိုအကောင်းဆုံးဖြေယှင်းဖို့ အတွက် မစ္စတာရောဘတ်ဆင်ကို စစ်တကောင်းအုပ်ချူပ်ရေးမှူးအဖြစ်ခန့် အပ်ပါရေ။ ယင်းအရာယှိက အင်္ဂလိပ်ရို့ ၏အကျိုးစီးပွါး ကို ကာကွယ်ဖို့ ဆိုရေ ရည်ရွယ်ချက်နန့် စစ်သားတပ်ခွဲတစ်ခုကို ရှင်မဖြူကျွန်းမှာတပ်စွဲလိုက်ပါရေ။
ယင်းချင့်ကို မြန်မာရို့ ကခိုးကြောင်ခိုးဝှက်လာရောက်တိုက်ခိုက်တေအတွက် တပ်ခွဲမှူးထွက်ပြီးလားရပါရေ။ အကြောင်းစုံကို မစ္စတာရောဘတ်ဆင်က ဘုရင်ခံချူပ်ဘားသို့  အစီရင်ခံပါရေ။ ဘုရင်ခံချူပ်က ရခိုင်ပြည်မှာယှိရေ မြန်မာတပ်တိကို တိုက်ထုတ်ပစ်လိုက်ပနာ ရခိုင်ပြည်ကို အဂ်လိပ်လက်အောက်သို့ သိမ်းသွင်းဖို့ အမိန့် ထုတ်ပြန်ပါရေ။
မဟာရာဇ၀င်နန့် ရခိုင်ရာဇ၀င်ရို့ ကို အခြီခံစွာပါ။
ဦးစံရွှေဘု
(၂၀၀၇ ခုနှစ်၊ မတ်လ ၁၄ ဘာသာပြန်သည်။)
http://arakanfuture.blogspot.com/
