Posted by Arakan Research Centre
ပင်မစာမျက်နှာ,
ရခိုင်သတင်း
01:44
ရခိုင်ပြည်နယ် မင်းပြားမြို့က မြို့မဈေးကြီးမှာ နိုဝင်ဘာလ ၁၂ ရက်နိ့က လောင်လားခရေမီးကြောင်း ဈီးထဲကဆိုင်ခန်း အားလုံးနီးပါး မီးထဲပါလားရေလို့ သိရပါရေ။ ဒေဂုပိုင် ဆုံးရှုံးမှုတွေများရစွာယေ မင်းပြားမြို့ထဲမှာ မီးသတ်ကားမရှိလို့ မီးလောင်လောင်ချင်း နိုင်အောင်မငြိမ်းနိုင်ခစွာကြောင့်လို့ မြို့ခံတိက ပြောကြဂါတ်ပါရေ။ အကြောင်းစုံကို မသင်းသီရိက တင်ပြထားပါရေ။
နိုဝင်ဘာလ ၁၂ ရက်၊ စနီနိ့ ဈီးပိတ်အပြီး ည ၇ နာရီဝန်းကျင်လောက်က စလောင်ကျွမ်းခရေမီးစွာ နောက်တနိန့် တနင်္ဂနွေနိန့် ၁၃ ရက်ကိုအကူးခင် မနက် ၁ နာရီခွဲလောက်မှ မီးညွှန့်စကျိုးရေလို့ မင်းပြားမြို့ခံတိက ပြောပါရေ။ ပေါ့စမီးလို့ ယူဆရရေ မီးကနိန် တဖြည်းဖြည်း များလာခပြီးကေ ၆ နာရီကျော်ကြာ လောင်ကျွမ်းခရေမီးကြောင့် ဆိုင်ခန်းပေါင်း ၆၀၀ ကျော်ရှိရေ ဈေးကြီးအတွင်းမှာ ဆိုင်ခန်း ၅၀၀ ထက်မနည်း မီးထဲပါလားရေလို့ မင်းပြားမြို့ခံတစ်ဦးဖြစ်ရေဒေါက်တာ တင်မြင့်ဦးက ပြောပြလားခပါရေ။
“မီးအညွှန့်သေသွားတာကတော့ ည ၁ နာရီခွဲလောက်မှပဲ သေပါတယ်။ ဆိုင်ခန်းပေါင်း ၆၀၀ ကျော်မှာ ၅၀၀ လောက်ပါသွားတယ်လို့ ပြောပါတယ်။ ဈေးပိတ်အပြီး စားအုန်းဆီတွေကို မီးနွေးတဲ့ကိစ္စကနေပြီးတော့ ပေါ့စမီးပေါ့နော်။ အဲဒီကိစ္စကနေစပြီးတော့ လောင်တာလို့ကြားပါတယ်။ လောင်စာဆီကလည်း တချို့က ဈေးထဲမှာ ထားကြတယ်လေ။ အဲဒီကတဆင့် လောင်တာဆိုတော့ တော်တော် ငြိမ်းသက်ရခက်ပါတယ်။ ဆိုင်ရှင်တွေကတော့ ဘယ်တတ်နိုင်တော့မလဲ။ ဒီအတိုင်း လက်ပိုက်ကြည့်နေရတယ်။ ဘာမှဆွဲထုတ်လို့မှ မရတော့တာလေ။”
အဓိက ကတော့ မင်းပြားမှာရှိရေ မီးသတ်ကားစွာ မီးလောင်ချိန်မှာ နိုးမရဘဲ ဖြစ်နိန်ခလို့ စည်ပင်က ရေဖျန်းနိန်ရေကားတိနန့် ငြိမ်းခရရေပိုင် အနားက မြောက်ဦးမြို့ကနီလာရေ မီးသတ်ကားတိကိုစောင့်ပြီး မီးသတ်ခရရေလို့ ပြောပါရေ။
“မြို့မှာ မီးသတ်ကားကလည်း အဆင်သင့် မရှိပါ။ မြောက်ဦးကနိန်ပြီးကေ မီးသတ်ကား လာရဖို့အချိန်က ၇ နာရီစတာတောင် ၉ နာရီလောက်မှ ရောက်လာပါရေ။ အဲဒီမီးသတ်ကားကို အားကိုးပြီး မီးသတ်ဖို့က တပျင်းခက်ပါရေ။ ယင်းတွက်ကြောင်းလည်း တဈေးလုံး ပါသွားတာ။ ကိုယ့်မှာ မီးသတ်ကားမရှိတဲ့ ပြဿနာ၊ အဲဒါ အဓိက ပြဿနာပဲ။”ဒေဂု မင်းပြားဈေးကြီးစွာ အနီးအနားက ရွာတိနန့် မြို့နယ်တိကပါ အားထားရရေ ဈေးကြီးဖြစ်ရေပိုင် အရောင်းအ၀ယ်ကောင်းရေ ဈီးလည်း ဖြစ်ရေလို့လည်း မြို့ခံတိကလည်း ပြောပါရေ။ ဒေဂုခါက ဈီးပိတ်ချိန် ညပိုင်းအတွင်းမှာ မီးလောင်ခစွာဖြစ်လို့ ဆိုင်ရှင်တိကလည်း ပစ္စည်းတိကို ရွှေ့ပြောင်းသယ်ယူခွင့် မရလိုက်ဂါတ်တေပိုင် မီးကြောင့် ဆုံးရှုံးမှု ပမာဏကလည်း တပျင်းများရေလို့ သိရပါရေ။
“ဒေပိုင် မင်းပြားမြို့ကို မှီခိုနီစွာ မြို့နယ်တစ်ခုတည်းမဟုတ်။ မြေပုံမြို့နယ်၊ မြောက်ဦးမြို့နယ်၊ ပေါက်တောမြို့နယ် စရေ ယင်းမြို့နယ်တိက နီးစပ်ရာရွာတိက မင်းပြားက ကုန်လမ်းရေလမ်းအလည်ကျရေ နီရာဖြစ်နီလို့ မင်းပြားမြို့ကို လာပြီးကေ ဈီးဝေစွာ ဖြစ်ပါရေ။ ဒေမြို့က ရောင်းဝယ်ဖောင်ကားမှု စီးပွားရေး လမ်းဖြောင့်ပါရေ။ ယင်းပိုင် ရောင်းဝယ်ဖောင်ကားမှု အရမ်းကောင်းနီရာတစ်ခုပါ။ အပြီးကေ ယင်းဆိုင်ခန်းတိ ပြန်ပြီးကေ သူရို့လည်ပတ်ဖို့ဆိုစွာ မလွယ်နိူင်ရေ ကိစ္စဖြစ်ပါရေ။ ကျနော်ရို့အိမ် ခေါင်းရင်းက အန်တီကြီးဆိုကေ သူ တသက်လုံးလုပ်လာတဲ့ ပစ္စည်းတိက သိန်း နှစ်ထောင်ဖိုးလောက်ရှိပါရေ။ အထည်ဆိုင်က ပစ္စည်းတိကို အိမ်ထဲမှာ တစ်ခုလည်း မထားပဲ ဈီးထဲမှာရာ ထားပါရေ။ ဆိုင်ခန်း သုံးခန်းတွဲ။ ဒေဂုက သူ့ဘဝမှာ စုဆောင်းလာရေ ပစ္စည်းတိ ဆုံးလားခပါဗျာလ်။ နောက်လူတိမှာလည်း ယင်းပိုင် ဆုံးရူံးလားရေ ပစ္စည်းတိ အများကြီးပါ။ သုံးပုံတစ်ပုံတောင် ပြန်ပြီး ရင်းနှီးနိုင်ဖို့လို့ ထမင်ပါဗျာလ်။ ကျနော့်ရို့မှာကေ တစ်ခုလေ့ မဆုံးရူံးစွာတောင် အလိုလို စိတ်ထိခိုက်ပါရေ။ ဘ၀မှာ ဒေဂုဖြစ်တေ အဖြစ်မျိုးပိုင် တခါလေ့ မမြင်ဘူးပါ”
ဒေချင့်ကတောရေ မင်းပြားမြို့ခံ ဒေါက်တာ တင်မြင့်ဦး ပြောလားခစွာဖြစ်ပါရေ။ မင်းပြားမှာ နိုဝင်ဘာလ ၁၂ ဒေနိန့် မိုးလင်း နိုဝင်ဘာလ ၁၃ ရက်နိ့ကတော သက်ဆိုင်ရာ ပြည်နယ်ဝန်ကြီးက မီးလောင်ခရေဈီးကို လာကြည့်ခကေလေ့ အခုချိန်ထိတော ဆုံးရှုံးမှုစာရင်းကို တရားဝင်ထုတ်ပြန်စွာမျိုး မရှိသိလို့ သိရပါရေ။
မှတ်ချက်///
VOA မှ မြန်မာသတင်းကို ရခိုင်ပိုင် ပြန်ဆိုးထားသည်
Posted by Arakan Research Centre
ပင်မစာမျက်နှာ,
ရခိုင်သတင်း,
နိူင်ငံတကာ
20:35
မြန်မာနန့် အိန္ဒိယ နှစ်နိုင်ငံအစိုးရ ပူးတွဲ အကောင်အထည် ဖော်နီရေ ကုလားတန်မြစ် စီမံကိန်းအတွက် ကန်ထရိုက်ရရှိထားရေ Essar ကုမ္ပဏီ က စစ်တွေမြို့ဆိပ်ကမ်း တည်ဆောက်ဖို့ နီရာမှာ စစ်တွေမြို့ ကျက်သရေဆောင် စစ်တွေပွိုင့်ကမ်းခြေက သဲတိကို တိုက်ယူနီဗျာလ်လို့ သိရပါရေ။
(RFA Illustration)
ရခိုင်ပြည်နယ်၊ စစ်တွေ၊ ဘူးသီးတောင်၊ မောင်တော တည်နေရာပြ မြေပုံ။ (RFA Illustration)
ဒီ့အတွက် ကမ်းခြေ တဖြည်းဖြည်း နိမ့်ဆင်းလာပြီး နောင်မှာ ပင်လယ်လှိုင်းဒဏ်ကို အကာအကွယ် မပီးနိူင်ရေအတွက် ရင်လီးစရာ ဖြစ်နိန်ဗျာလ်လို့ ဒေသခံတိက ပြောပါရေ။ စစ်တွေဒေသခံ တယောက်ပြောစွာကတော ကမ်းခြေသဘာဝ ပျက်စီးနိန်ဗျာလ်လို့ ပြောလားခပါရေ။
စစ်တွေမြို့ ပြည်သူ့ဆီးရုံကြီး အရှိဘက် တည့်တည့်မှာ ဆိပ်ကမ်း တည်ဆောက်နိန်စွာ ဖြစ်ပြီး ဆိပ်ကမ်း မြီဖို့လားဖို့အတွက် ပွိုင့်ကမ်းခြေ၊ စစ်တွေဟိုတယ် တဝိုက်နန့် ဘာဆာရွာ ရေချိုးဆိပ်က သဲတိကို ကားအစီး ၄ဝ လောက်နန့် တနိ့ကို ၈ ခေါက်ကနေ ၁ဝ ခေါက်အထိ ခေါက်တုန့်ခေါက်ပြန် ယူဆောင်နီရေလို့ သိရပါရေ။
အဂုပိုင် သဲတိတူးနိန်ရေအတွက် သောင်တိ ပျက်စီးပြီး ကမ်းခြီနားမှာ ရှိရေ ရွာတိလည်း ပင်လယ်လှိုင်းဒဏ် မခံနိုင်ဘဲ တရွာလုံး ပျောက်သွားဖို့ အန္တရာယ်ကို ဒေသခံတချို့က စိုးရိမ်နိန်ဂါတ်ပါရေ။
လမ်းတလျှောက် ဖုံတိ အလိမ်းလိမ်းထနိန်စွာကို ကုမ္ပဏီက ရီလိုက်ဖြန်းစွာတိ ရှိနိန်ကေလေ့ နိူင်နိုင်နင်းနင်း မဖြန်းနိုင်လို့ ပြောဆိုဂါတ်ပါရေ။
အိန္ဒိယ-မြန်မာ နှစ်နိုင်ငံကုန်သွယ်မှု တိုးတက်ရေးအတွက် အမေရိကန်ဒေါ်လာ သန်း ၁၂ဝ အကုန်အကျခံပြီး ရခိုင်ပြည်နယ် စစ်တွေမြို့နန့် အိန္ဒိယနိုင်ငံ မီဇိုရမ်ပြည်နယ်ကို ဆက်သွယ်ဖို့ ကုလားတန်မြစ် စီမံကိန်းကို ၂ဝ၁၃ ခုနှစ်မှာ အပြီးသတ် အကောင်အထည်ဖော်ဖို့ စီမံကိန်းချထားရေလို့ သိရပါရေ။
......................
RFA သတင်း
Posted by Arakan Research Centre
ပင်မစာမျက်နှာ,
ရခိုင်သတင်း
11:29
ထိုင်းနိုင်ငံ မဲဆောက်မြို့ (SR) စက်ရုံမာ အလုပ်လုပ်နိန်ကတ်တေ ရခိုင်အမျိုးသမီးချေ လေးယောက်ရေ မဲဆောက်မှာ အလုပ်အဆင်မပြေလို့ ကယ်ရီခကို လုပ်အားနန့်ဆပ်ဖို့ဆိုပြီးက ရခိုင်ပွဲစားနန့် ဆက်သွယ်ပနာ တက်လားစွာမာ ပွဲစားဖက်က မသေချာလို့ အောက်တိုဘာလ ၂၅ ရက်၊ ၂၀၁၁ နိန် ထိုင်နိုင်ငံ
မဟာရှိုင်း ရဲက ဖမ်းဆီးလိုက်ကြောင်း သတင်းရရှိသည်။ ဖမ်းဆီးခံနိန်ရရေ ရခိုင်အမျိုးသမီးချေတိကို ရခိုင်ရိုးမက ဆက်သွယ်ရေခါ“အကျွန်ရို့က မဲဆောက် (SR) စက်ရုံမှာ အလုပ်လုပ်နိန်ခကတ်စွာပါ။
အကျွန်ရို့ကို မသန်းတင်က ပုစွန်စက်ရုံမှာ အလုပ်ရဖို့လို့ပြောပါရေ၊ ကယ်ရီခကို မသန်းတင်ကို (၅၀၀) ကျစီပီးခရပါရေ၊ ကျန်စွာကို လုပ်ဆပ်ရပါဖို့၊အကျွန်ရို့ (၁၈)ရက်နိန့် က မသန်းတင်အိမ်က ထွက်လာပါရေ၊ မသန်းတင်က တဆင့်ပွဲစားမောင်ထွီးလက်ထဲကို အပ်လိုက်ပါရေ၊ မောင်ထွီးက မာမီဂိတ်ကိုပို့ပါရေ၊
မာမီဂိတ်မှာ တစ်ညဥ့် အိပ်ခရပါရေ၊ ယင်းကနိန်ပနာ ကားနန့် ညဥ့်ထွက်လို့လားရရေ။ လမ်းမှာမျှော့လူမျိုးနှစ်ယောက်က မျှော့ရွာရောက်ထိလိုက်ပို့ပါရေ၊ ယင်းရွာမှာ ၂ ည အိပ်ခရပါရေ” လို့သူက ပြောသည်။မဲဆောက်က ပွဲစားတိက တာဝန်မယူရေ အကြောင်းကို သူက “အကျွန်ရို့က
ကားထက်ကိုတက်တေခါ ဇာသို့လားဖို့လဲလို့ ကားသမားကမိန်းပါရေ၊ အကျွန်ရို့ကိုခေါ်စွာ မောင်မောင်ညွန့်လို့ပြောလိုက်ပါရေ၊ ကားသမားကမောင်မောင်ညွန့်ကို ဖုန်းဆက်ပြီး ကေ အကျွန်နန့်ဖုန်းပြောခိုင်းပါရေ၊
မောင်မောင်ညွန့်က သူခေါ်စွာက မွန်မငါးယောက်ကို ခေါ်စွာ၊ ရခိုင်သမတိကိုငါမခေါ်၊ သူ့မှာ အကျွန်ရို့ကို ပီးစရာ အလုပ်လည်း မဟိလို့ပြောပါရေ၊ အကျွန်ကတောင်းပန်ပါရေ၊ မောင်မောင်ညွန့်ကို ၊ အခင်လည်း ရခိုင်သား၊ အကျွန်လည်းရခိုင်သမပါ၊ အခင်နန့်မဆိုင်ကေလည်း အကျွန်ရို့ကိုကူညီပါ
လို့အကျွန်ကပြောပါရေ၊ အစီအစဉ်ချပီး မေ ဆိုပြီးကေ ဖုန်းချလားခပါရေ၊” လို့ပြောသည်။
ရခိုင်အမျိုးသမီးချေကဆက်ပြီးကေ “ အကျွန်ရို့ကားသမအိမ်ကို ရောက်တေအခါ မောင်မောင်ညွန့်က ကားသမကို အကျွန်ရို့အတွက် တာဝန်မယူဆိုပြီးကေ ပြောပါရေ။
ကားသမက အကျွန်ရို့ကို လားဖို့နိန်ရာကို ရှာကတ်လို့ပြောပါရေ၊ အမျိုးတိ ဟိကေ
လူတစ်ယောက်ကို (၉၀၀၀) နန့်လာရွီးလို့ရရေလို့ပြောရေ၊ ကားသမအိမ်မှာနှစ်ညဥ့်အိပ်ပြီးရေအခါ အကျွန်ရို့နန့် တတူပါလာရေ လူ(၆)ယောက်ကိုမဟာရှိုင်ကို ပို့ဖို့လားရေခါ အကျွန်ရို့ကိုလည်း လားဖို့နိန်ရာရှာထားလီ၊ဒေ တစ်ညည့်ထက် မထားနိုင်ရာလို့ ပြောပါရေ၊ မသန်းတင်ပါးကို ဖုန်းဆက်ပါရေ၊
တခုပိုင်လည်း အဖြေမရပါ၊ အကျွန်ရို့ကလည်း ရောင်းစား ပစ်လတ်မေကြောက်ကတ်ပါရေ၊ အကျွန်ရို့နန့်အတူတူပါလာရေ အစ်ကိုကြီးတိက မောင်မောင်ညွန့်ကို ဖုန်းဆက်ပြီးပြောပါရေ ယေခါကူညီမေလို့ပြောပါရေ၊ အကျွန်ရို့ကိုလည်း အဖွဲ့အစည်းတိကို တိုင်ရေမနားဆိုပြီးကေ မောင်မောင်ညွန့်ကပြောပါရေ၊ အကျွန်ရို့တစ်ခုကိုလည်း ဖုန်းမဆက်ရပါ၊
ဖုန်းတိကိုလည်း ကားသမ ယူထားပါရေ၊ အကျွန်ရို့ကို ကားသမက မဟာရှိုင်ကို ယူခရေခါ လမ်းမှာ ကားသမက မဟာရှိုင်ကို ရောက်တေခါ နိန်စရာဟိလား လို့မိန်းပါရေ၊ အကျွန်ရို့မှာ နိန်စရာမဟိပါလို့ ကားသမကိုပြောပြပါရေ၊ ကားသမကလည်း ဇာပိုင်လုပ်လည်းတော့မသိပါ၊ မဟာရှိုင်ရောက်တေခါ
ရခိုင်ရုံးတစ်ရုံးရှေ့ မှာ ချပစ်ခပါရေ၊ အကျွန်ရို့ကလည်း ယင်းရုံးထဲကိုဝင်ပြီးကေ အကူအညီတောင်းပါရေ၊ ယင်းကလည်း ကူညီးပီးမေ လို့ပြောပါရေ၊မောင်မောင်ညွန့်ပါးကိုလည်း ဖုန်းဆက်ပြီးပြောပါရေ၊ ယင်းအချိန်မှာဗင်အကျွန်ရို့ကို ရဲက၀င်လာပြီးကေ ရုံးက အစ်ကိုတိကိုပါ ဖမ်းလိုက်စွာပါ”
လို့ပြောသည်။အဖမ်းခံထားရရေ ရခိုင်အမျိုးသမီးချေတိစွာ ရခိုင်ပြည်နယ် ရသေ့တောင်မြို့နယ်
ရွှေလင်းတောင်ကျေးရွာက (မကြီး၊ မတင်အေး၊ မဆန်းဆန်း၊ မသိန်းရီ)ရို့ဖြစ်သည်။ ပွဲစားဖြစ်တေ မသန်းတင်မှာလည်း ရခိုင်အမျိုးသမီးဖြစ်ဗြီးအဖမ်းခံရရေ ရခိုင်အမျိုးသမီးချေတိနန့် တရွာတည်းဖြစ်ကြောင်း ပွဲစားမောင်မောင်ညွန့်နန့် မောင်ထွီးလည်း ရခိုင်လူမျိုးတိဖြစ်သည်။ယင်းရခိုင် အမျိုးသမီးလေးယောက်နန့်အတူ အဖမ်းခံနိန်ရရေသူလည်း မဟာရှိုင်မှာဟိရေ ရခိုင်သားတိ အရေးကို လိုက်ဗြီးကူညီဆောင်ရွက်ပီးနိန်သူပုဂ္ဂိုလ်တစ်ဦးဖြစ်ကြောင်း ယင်းပုဂ္ဂိုလ်မှာ တရားမ၀င်လူ လက်ခံမှုနန့်
တရားစွဲချက် တင်ခံထားရကြောင်း အမည်မဖေါ်လိုသူရခိုင်အမျိုးသားတဦးက ပြောပါရေ၊ ရခိုင်ပြည်က တရားမဝင်ထွက်လာရေ သက်စွန့်ဆံဖျား အလုပ်သမားတိ ရခိုင်ပြည်မှာအုပ်ချုပ်နိန်ရေ
ဗမာလူမျိုးစစ်အစိုးရကြောင်း အလုပ်လက်မဲဘဝကိုကျရောက်ဗြီး မိပစ်ဖပစ် စွန့်
လာလို့ တခါနိုင်ငံရပ်ခြားမှာ ဖမ်းဆီးခံရသည်မှာ ကယ်မဲ့ သူဝီး ဗြီးထိုင်းနိုင်ငံမှာ ဒေပိုင်အဖြစ်အပျက်တိထက် ဆိုးဝါးရေ အကြောင်းအရာတိ
အများကြီးဟိနိန်ပါသည်။ မဲဆောက်က ဗန်ကောက်ကိုလားရေအခါအမျိုးသမီးပေါင်းများစွာ မုဒိန်ကျင့်ခံရစွာတိ၊အိမ်စေအဖြစ်ရောင်းစားခံရစွာတိ၊ ယောက်ျားတိဆိုကေ စက်ဘုတ်ကို ရောင်းခံရစွာတိ
အများကြီးဟိနိန်ပါကြောင်း၊ ရခိုင်ပွဲစားဆိုရေလူတိကလည်းကိုယ့်လူမျိုးဒုက္ခရောက်ဖို့စွာကို မကြည့်ပဲ ကိုယ့်အတွက်ငွေရရေးကိုသာအဓိကထားပြီးကေ လုပ်ဆောင်နိန်ကြောင်း ရခိုင်လူ့အခွင့် အရီးစောင့် ကြည်
့နိန်သူ အသိုင်းအဝန်းကဆိုသည်။ဖမ်းဆီးခံထားသူရိုလွတ်မြောက်ရေးအတွက် ထိုင်းဘတ်ငွေ(၅၀၀၀၀)ငါးသောင်းခန့် ကုန်ကျနိုင်ကြောင်းလည်း ပြောပြသည်။ ပွဲစားမသန်းတင်ဆိုသူအမျိုးသမီးအား ရခိုင်ရိုးမနန့် လေးဝတီမှ ဖုန်းဆက်သွယ်ရာ ဖုန်းမကိုင်ရေအပြင်
ပိတ်ထားလိုက်သည်။ဒေဂုမဲဆောက်ရခိုင်အသိုင်းအဝန်းမှာ ဒေကိစ္စအားပွဲစားမှန်သမျှကို မကျေမနပ်ဖြစ်နိန်ကြောင်း သတင်းရရှိပါသည်။
ဇင်ကီး(ဒွါရဝတီ)လေးဝတီဝိုင်းတော်သား
တိုင်းပြည်ပျောက်ဆုံးနိန်ရလို့ သူများပြည်မာ အလုပ်လုပ်ရကြတ်စွာမာ အနှိမ်ခံရရေ ဒေရခိုင်အမျိုးသမီးချေတိရေ. .. အချုပ်ခန်းထဲက ထွက်လာဖိုအတွက်ကို ဘတ် တယောက် ၂ ထောင်စီ. စုစုပေါင်း တသောင်းခြောက်ထောင်။ (=အမေရိကန်ဒေါ်လာ ငါးရာ့ ငါးဆယ်) ခန့်  တနိန်ရာက ချီးငှါးထားရပါနာ အပူတပြင်း ပြန်ပီးဆပ်ရဖို့ ဖြစ်နိန်ကြောင်းလည်း သိရပါရေ..ယင်းအတွက် ရခိုင်သားတိုင်း .. အမျိုးသားရေး အမြင်နန့် ၀ိုင်းဝန်းပါဝင်ကူညီပီးကြတ်ဖို့လိုအပ်ပါရေ....။
ဆရာတော် အသျှင် အရိယ၀ံသ..
(ဥက္ကဌ၊ ရခိုင်ပြည်အမျိုးသားကောင်စီ)..
ဆက်သွယ်ရန် --
ဖုန်း.. ၀၀၉၁ ၉၆၇၈၁၄၅၃၁၅
+ ၆၆(၀)၈၂ ၇၆၇၂၅၀၀
အီးမဲလ်.. awanthadhaja@gmail.com
http://www.anchqindia.org/2011/11/blog-post.html
Posted by Arakan Research Centre
ရခိုင်သတင်း,
နိူင်ငံတကာ
09:58
ခိုင်သိန်း
---------
အစ္စလာမ် ဘာသာဝင်များ၏ နိထူးနိမြတ် အိဒ်(ကူရ်ဘင်) ပွဲတော်ရက် နီးကပ်လာသဖြင့် ဘင်္ဂလာဒေခ်ျ့တွင် နွားဈေး
အထူး ရောင်းအားကောင်းနိန်ကြောင်း
ရခိုင်ပြည်နယ်တွင် နွားခိုးမှုများ နီရာအနီအပြားမာ တိုးပွားနိန်ရေလို့ သိရသည်။
လွန်ခဲ့သော အောက်တိုဘာလ ၂၉ ရက်နိက ရသေ့တောင်မြို့နယ် အငုံမော်၊ ချောင်းရင်း ကုန်တန်းကျေးရွာ အဖ ဦးအင်္ဂါ အောင် သမီး ဒေါ်ကျော့မဖြူရို့ထံမှ နွား ၁၀ ကောင်ကို ခိုးယူသွားကြောင်း နွားပိုင်ရှင် အမျိုးသမီးက နိရဉ္စရာသို့ပြောသည်။
" လွန်ခရေလ ၂၉ ရက်နိက အကျွန်ရို့မှာ မွီးထားရေ နွား ၁၀ ကောင်ကို ခိုးယူလားပါရေ။ ယင်း နွားတိကို ပြည်ထဲမှာ လိုက်လံရှာဖွီခသိပါရေ။ ဘင်္ဂလာကို ရောက်လားဗျာလ်ဆိုကေ ဘင်္ဂလာကို လိုက်ပြီး ရှားခိုင်းပါသိရေ။ယေကေလေ့ လုံးဝမတွီလိုက်ပါဗျာလ် ။ ဒေဂု အိဒ်ပွဲတော်နန့် နီးနိန်ရေအတွက် ဘင်္ဂလာမှာ နွားဈေးကောင်းနိန်ပြီး နွားခိုးဂိုဏ်းတွေက အထူး သောင်းကျန်းနေပြီး သူ့ထက်ငါ လက်ဦးမှု ယူပြီး ခိုးနေဂါတ်စွာဖြစ်ပါရေ"လို့ ပြောသည်။
နွားပျောက်မှုနန့်ပတ်သက်၍ သက်ဆိုင်ရာ ရဲအဖွဲ့များကို တိုင်ကြားသော်လည်းဖဲသာမပီးကေ အရေးယူ ဆောင်ရွက်ခြင်း မရှိလို့လည်း သူမက ဆက်ပြောသည်။
" အကျွန်မရို့ နွားပျောက်ပြီး နောက်တရက်မှာ ညောင်ချောင်းရဲစခန်း၊ မောရ၀တီရဲစခန်းနန့် နယ်မြေ ၇ နစက စခန်းတွေမှာ သွားတိုင်ထားပါရေ။ ယေကေလေ့ သူရို့တိက ငွေမရတော့ အရေးတယူ လိုက်ရှာ မပီးရေအတွက် ခုလို အကျွန်ကိုယ်တိုင် တခြားဆွေမျိုးနန့် ၀ိုင်းဝန်း လိုက်ရှာနိန်ရစွာ ဖြစ်ပါရေ။"
သူမရို့ နေထိုင်သော ဒေသတွင် နာမည်ကြီးနေသော နွားသူခိုးဂိုဏ်း အများအပြားရှိပြီး နွားခိုးဂိုဏ်း ခေါင်းဆောင်များမှာ ချောင်းရင်း ကုန်တန်းကျေးရွာမှ ဦးယဉ်မောင်၊ ပေါက်တောပြင်ရွာမှ ဦးကျော်လှစိန်၊ ဆင်ပိုက်မှ ဦးမောင်ထွန်းရို့ ဖြစ်ကြပြီး သူတိရို့တိမှာ ဒေသဆိုင်ရာ ရဲနန့် နစက အာဏာပိုင်များကို လဒ်ငွေထိုးပြီး နွားများကို ခိုးယူနိန်ဂါတ်သည်ဟု တခြား ဒေသခံတဦးက ပြောသည်။
ရခိုင်ပြည်နယ် မြောက်ပိုင်း ဘူးသီးတောင်၊ ရသေ့တောင်၊ ကျောက်တော်၊ ပုဏ္ဏားကျွန်းနန့် ပေါက်တော မြို့နယ် များတွင်လည်း နွားများနိစစိုင် ရက်ဆက် အခိုး ခံနိန်ရသဖြင့် နိ့ရော ညပါ နွားပိုင်ရှင်များမှာ နွားများကို ထိမ်းသိမ်း စောင့်ရှောက်နိန်ဂါတ်ရရေလို့ ဆင်သေရွာသား တဦးက နိရဉ္စရာသို့ ပြောသည်။
" အခုအခါ အိဒ်ပွဲတော်မှာ နွားတိ အခိုးခံနိန်ရစွာများလာလို့ အခိုးမခံရအောင် စောင့်ကြည့်နိန်ဂါတ်ရပါရေ။
အောက်တိုဘာလ ၂၈ ရက်နိ့ကဆိုကေ ကျွန်တော်ရို့ ပုဏ္ဏားကျွန်းမြို့နယ် ဆင်သေ သြရမကျေးရွာက ထွန်းသာဘောဆိုသူမှာ နွား ၇ ကောင် အခိုးခံလိုက်ရပါရေ။ ယင်းအခိုးခံရရေ နွားတွေကိုတော့ ရသေ့တောင်မြို့နယ် ဂူတောင်ရဲစခန်း ရဲအဖွဲ့က ဘင်္ဂလာဒေ့ခ်ျကို တင်ဖို့လုပ်နိန်ရေ အချိန်မှာ ဖမ်းဆီးမိပါရေ။ ယေကေလေ့ နွားပိုင် ရှင်ကို မပီးပဲ စစ်ဆေးနိန်ပါရေ။"
ဘင်္ဂလာဒေ့ခ်ျတွင် အိဒ် ပွဲတော် အတွင်း ကျွဲ၊ နွားဈေးမှာ အဆမတန် ဈေးကောင်းရနေသဖြင့် ရခိုင်ပြည်နယ်မှ ကျွဲ၊ နွား၊ ဆိတ်၊ ကြက်များကို မှောင်ခို လမ်းကြောင်းမှ တဆင့် တင်ပို့နိန်ကြသည်။ ယင်းအထဲမာ ခိုးနွားများကိုလည်း ရောသွင်း ယူဆောင်လာပြီး ရောင်းချနိန်ရေလို့လည်း သိရသည်။
ဘင်္ဂလာဒေ့ခ်ျနိုင်ငံတွင် ယခုအခါ ပထမတန်း ကျွဲတကောင်ကို တာကာငွေ ၇၀၀၀၀ (ကျပ် ၇သိန်း) ၊ ဒုတိယတန်း ကျွဲတကောင်ကို ၅၀၀၀၀ (ကျပ် ၅သိန်း)၊ တတိယတန်း ကျွဲတကောင်ကို ၃၀၀၀၀ ( ကျပ် သုံးသိန်း)နန့် ပထမတန်း နွားတကောင်ကို တာကာငွေ ၆၀၀၀၀ (၆သိန်း) ၊ ဒုတိယတန်းစား တစ်ကောင်ကို ၄၀၀၀၀ (၄ သိန်း ကျပ်) ၊ တတိယတန်း ၂၀၀၀၀ ( ကျပ် ၂ သိန်း) အထိဈေးရှိပြီး၊ ပထမတန်း ဆိတ်တကောင်ကို တာကာငွေ ၁၂၀၀၀ ( တစ်သိန်း နှစ်သောင်း) ၊ ဒုတိယတန်းစား ၇၀၀၀ ( ၇သောင်းကျပ်) ဈေးရှိနိန်ရေလို့ သိရသည်။
................................
နိရဉ္စရာသတင်း
Posted by Arakan Research Centre
ပင်မစာမျက်နှာ,
ရခိုင်သတင်း
20:10
ခိုင်သဇင်
---------
ရခိုင်ပြည်နယ် မာန်အောင်မြို့နယ်တွင် ခြံမြေများကို ယခုအခါ ၀ယ်ယူမူ များပြားနေသဖြင့် ဈေးကောင်းကောင်း ရရှိ နေကြောင်း သတင်း ရရှိသည်။
မာန်အောင်မြို့နယ် ကအီး ကျေးရွာတွင် စတင်ဘာလ မှစ၍ ဥယျဉ်ခြံမြေများကို ဈီးကောင်းကောင်း ပီးပြီး ၀ယ်ယူနီကြောင်းကို ခြံပိုင်ရှင် ဖြစ်သူ မအေးအေးလှိုင် မှပြောသည်။
" ဟုတ်ပါယင့် အကျွန်ရို့ဥယျဉ်ခြံထဲမှာဆိုကေ အုန်းပင် အများကြီးရှိပါရေ။ အရင်ကဆိုကေ အုန်းခင်းတွေကို တစ်သိန်း နန့် ပီးပြီး ဝယ်ဖို့လူ သူမရှိသလောက် ရှားပါးပါရေ၊ အခုဆိုကေ ခြံတစ်ခြံက သိန်း နှစ်ဆယ် အထက်မှာရှိပါရေ။ အုန်းခင်ပင်တွေ မရှိရေ ဥယျဉ်ခြံမြေတိလည်း ဈေးကောင်းကောင်းရပါရေ။ အကျွန်မရို့က အီးရွာ အုန်းခင်တိမှာ မဟုတ်ပါ။ အနီးအနားရွာ က အုန်းပင်တွေ မရှိရေ မြေကွက်လပ် တိကိုလည်း ဈေးကြီး ပီးပြီးတော့ ၀ယ်နီဂါတ်ပါရေလို့" ပြောသည်။
မာန်အောင်မြို့ မှ ငွေကြေးချမ်းသာ သူများသာမက တခြားမြို့များမှ လူအများအပြားလည်း ဥယျာဉ်ခြံမြေများကို လာရောက် ၀ယ်ယူနေကြသည်။ လက်ရှိ ဥယျာဉ် ခြံမြေ ၀ယ်ယူနေသူ တစ်ဦးမှ ၀ယ်ယူရခြင်း ရည်ရွယ်ချက်ကို အခုလို ပြောပြသည်။
" ကအီး ကမ်းခြေက တပျင်းသာပါယာပါရေ။ နောက်နှစ်တိမှာ ငပလီ ကမ်းခြေလိုမျိုးပိုင် နိင်ငံခြားသားတိနန့် မြန်မာနိင်ငံသားများ လာရောက် အပန်းဖြေလာရောက်ဂါတ်ဖို့။ နောက်ပြီး ကအီးကျေးရွာက ရေနံထွက်ရေ နဂါးတောင်နန့်လည်း နီပါရေ။ ရေနံ အများအပြား ထွက်လို့ရျှီကေ တရုတ်တွေလာဂါတ်ပါဖို့။ ကျနော်ရို့က ယင်းပိုင်မျှော်လင်းချက်နန့် ၀ယ်ယူစွာ ဖြစ်ပါရေ။ အဓိကတော့ နိင်ငံခြားသားတိ လာရောက်ကေ နေရာတိက အနာဂတ်မှာ မြေဈေးတွေ တက်လာနိုင်ပါရေ။ ယင်းတွက်ကြောင်း ၀ယ်ယူစွာလည်း ဖြစ်ပါရေလို့" ပြောသည်။
မာန်အောင်ကျွန်းကို ပတ်ပြီး ဖေါက်လုပ်ထားသော ၅၂ မိုင်ရှည် ကျွန်းပတ်လမ်းကို ၂၀၁၀ ဖော်ဖေါ်ဝါရီလ ၆ ရက်နိ့က စတင်ဖွင့် လှစ်ခပြီးနောက် လားရေးလာရေ လွယ်ကူလာသဖြင့် မာန်အောင်ဒေသမှာ အနာဂတ်တွင် စီးပွားရေးအရ ဖွံ့ဖြိုးတိုးတက်ရန် အခြေအနေကောင်းများ ရှိနေကြောင်း သိရသည်။
မာန်အောင်မြို့နယ်တွင် ကျေးရွာအုပ်စုပေါင်း ၃၆ အုပ်စု၊ ကျေးရွာပေါင်း ၁၀၈ ရွာရှိပြီး အများစုမှာ ပင်လယ် ကမ်းခြေတွင် တည်ရှိကာ အလွန်နီချင် စဖွယ်ကောင်းကြောင်း ရောက်ဖူးသူများက ပြောသည်။
ကအီး ကမ်းခြေမှာ မာန်အောင်မြို့နယ်တွင် အလှဆုံး ပင်လယ်ကမ်းခြေ ဖြစ်ပြီး အုန်းပင်များနန့် သဘာဝ အလျှောက် ပေါက်ရောက်နီသော နှစ်ရှည် အပင်များတည်ရှိသဖြင့် မာန်အောင်ကျွန်းမှ လူများသာမက တခြားမြို့နယ်များမှ လူများလည်း ကအီသို့ အလည်အပတ် သွားရောက်လည်ပတ်ကြရေလို့ သိရသည်။
.......................
နိရဉ္စရာသတင်း
Posted by Arakan Research Centre
ပင်မစာမျက်နှာ,
ရခိုင်သတင်း,
နိူင်ငံတကာ
06:28
မောင်အေး
-----------
ဘီဘီစီ (အင်္ဂလိပ်ပိုင်း) သတင်း ၀က်ဆိုက်ဘ်ဆိုက်တွင် အန်နာဂျုံး ( Anna Jones) ဆိုသူ သတင်းသမား တစ်ယောက်ရီးထားသော သတင်း တပုဒ်ကို မြန်မာ နိုင်ငံ မြေပုံနန့် တကွ ပူးတွဲ ဖေါ်ပြရာတွင် ရခိုင်ပြည်နယ်တွင် အဓိက နီထိုင်သော ရခိုင်လူမျိုးကို ထည့်သွင်း ဖေါ်ပြခြင်း မရှိဘဲ ရိုဟင်ဂျာပုံကို ထည့်သွင်း ဖေါ်ပြထားသဖြင့် မြန်မာနိုင်ငံသား အများအပြားက ပြင်းပြင်းထန်ထန် ဆန့်ကျင် ကန့်ကွက်ခကြသည်။
အဆိုပါ ကန့်ကွက်မူများ ပေါ်ပေါက်ပြီးနောက် ဘီဘီစီ အင်္ဂလိပ်ပိုင်းမှ အဆိုပါ မြေပုံကို ဖြုတ်ချလိုက်ပြီး အသစ်တဖန် ရခိုင်လူမျိုး ဓါတ်ပုံ တစ်ပုံကို ထည့်သွင်းကာ ယခင် မြေပုံ အတိုင်း ပြန်လည် ဖေါ်ပြခသည်။
၎င်းပြင် ဖြေရှင်းချက် တစ်ခုကိုလည်း Facebook မှ တဆင့် ယခုလို ရေးသားဖေါ်ပြသည်။
"မြန်မာနိုင်ငံနယ်စပ်များတွင် နေထိုင်ကြသည့် အစိုးရနန့် ပဋိပက္ခဖြစ်နီကြသော လူနည်းစုများမှ လူသိများသော အုပ်စုများကို ဖော်ပြလိုရင်းသာ ဖြစ်ပါသည်။ ရခိုင်ပြည်နယ်နေရာကို မျဉ်းကြောင်းနန့် ရိုဟင်ဂျာပုံ ပူးတွဲ ဖော်ပြခခြင်းမှာလည်း ပြည်နယ်ကို မည်သူမည်ဝါ ပိုင်ဆိုင်သည်ဟု ဖော်ပြလိုရင်း မဟုတ်ရေပိုင်၊ ရခိုင် တိုင်းရင်းသားများကို ဖယ်ရှားချန် ထားလိုသော ရည်ရွယ်ချက်လည်း မရှိပါ" ဟု ဖြစ်သည်။
အဆိုပါ ကိစ္စနန့် ပတ်သက်၍ ဘီဘီစီ (မြန်မာပိုင်း အစီအစဉ်) အား နိရဉ္စရာမှ ဖုံးမှ တဆင့် မေးမြန်းရာ ဘီဘီစီ ၀ိုင်းတော်သား တစ်ဦးက ယခုလို ပြန်လည် ဖြေကြားသည်။
" ယင်းချင့်က ကျွန်တော်ရို့ ဘီဘီစီကFacebook မှာလည်း ရီးထားပါဗျာလ်။ ဒေကိစ္စက ကျွန် တော်ရို့ ဘီဘီဆီက သီးခြားဖြေရှင်းလို့ မရပါ။ ကျွန်တော်ရို့ ဘီဘီစီ Facebook မှာ အထက် အရာရှိရို့၏ ဖြေရှင်းချက်ကို ရီးထားလိုက်ပါဗျာလ်။"
အဆိုပါ ကိစ္စမှာ Asia-Pacific ဌာနမှ တင်ထားသည့် ကိစ္စဖြစ်သည့်အတွက် ဘီဘီစီ မြန်မာပိုင်းအစီ အစဉ်နန့် သက်ဆိုင်မှုမရှိကြောင်း သူကဆက်ပြောသည်။
" ကျွန်တော်ရို့နန့် မသက်ဆိုင်ပါ။ ဒေသတင်းက ယင်းသူရို့ Asia-Pacific ဌာနက တင်ထားရေ သတင်းရာဖြစ်ပါရေ။ ဒေကိစ္စနန့်ပတ်သတ်ပြီး ဘီဘီစီ Asia-Pacific ဌာကို ဆက်သွယ်ကေ ပိုကောင်းပါလိမ့်မေလို့"ဟု ပြောသည်။
ရခိုင်ပြည်နယ်တွင် အဓိက နေထိုင်သူ ရခိုင်လူမျိုးကို မြေပုံထဲမှ ဖယ်ထုတ်ပြီး ရိုဟင်ဂျာပုံကို ရခိုင်ပြည်နယ် နေရာတွင် ဖေါ်ပြထားမူမှာ မတရား အနိုင်ကျင့်မူ တစ်ခု အဖြစ် သူထင်မြင် သဖြင့် ဒေဂုပိုင် ကန့်ကွက်ရခြင်း ဖြစ်ကြောင်း ယခု ကမ်းပိန်းကို ဦးဆောင်လူပ်ရှားရာတွင် ပါဝင်သူ အမေရိကားမှ ကိုကျော်ထူးအောင်က ပြောသည်။
၎င်းပြင် ယခု လုပ်ရပ်ကို တမင်ရည်ရွယ်ချက် ရှိရှိဖြင့် လုပ်ကိုင်ခြင်း အဖြစ် သူထင်မြင်ကြောင်း ယခုလို ပြောသည်။
" သူရို့တိက ရည်ရွယ်ချက်ရှိရှိ ဘက်လိုက် လူပ်ရှားမှုလို့ မြင်ပါရေ။ ရည်ရွယ်ချက်မရှိ ဘက်မလိုက် ဆိုလို့ရှိခကေ ဇာဖြစ်လို့ တရားဝင် မတောင်းပန်ရသိစွာလဲ။ လူတိုင်းစွာ အမှား လုပ်တတ်ပါရေ မှားစွာကို ၀န်ခံပြီး တောင်းပန်ဖို့ လိုပါရေ" ဟု သူက ပြောသည်။
ဘီဘီစီ အင်္ဂလိပ်ပိုင်းမှ မြန်မာနိုင်ငံ မြေပုံကို ဆက်လက် ဖေါ်ပြရာတွင် ရခိုင်လူမျိုးများအား ရခိုင်ပြည်နယ် အလယ်နေရာတွင် ဖေါ်ပြထားပြီး မွတ်ဆလင် ကလေးငယ်များ ဘုရားဝတ်ပြုနေသည့် ဓါတ်ပုံအထက်တွင် ရိုဟင်ဂျာဟု စာလုံးကို ရီးသားကာ ဘင်္ဂလာဒေခ်ျ့- မြန်မာ နယ်စပ် အနီး အထက်နားသို့ ရွှေ့ကာ ဖေါ်ပြထားသည်။
ထိုသို့ ရခိုင် လူမျိုးဓါတ်ပုံနန့် တကွ ရခိုင်ပြည်နယ် နေရာတွင် ပြင်ဆင် ဖေါ်ပြထားသော်လည်း ဘီဘီစီ မြန်မာပိုင်း အစီအစဉ်၏ Facebook စာမျက်နာတွင် ယခင်က ဖေါ်ခြခမှု အပေါ် မကျေနပ်သူများက ဝေဖန် ရေးသားမူများ တိုးပွားနီပြီး အများစု စာများမှာ အဆိုပါ သတင်းနန့် တိုက်ရိုက် ပတ်သက်မူ မရှိသော ဘီဘီစီ (မြန်မာပိုင်း)ကို ဝေဖန် တိုက်ခိုက် ထားသော စာများ ဖြစ်ကြသည်။
ရခိုင်ပြည်နယ် နေရာတွင် ရိုဟင်ဂျာကို ဖေါ်ပြထားမူ အပေါ် မကျေနပ်မူနန့် အတူ ရင်ဖွင့်လာရာတွင် စာရေးဆရာ၊ ကဗျာဆရာနန့် ဒါရိုက်တာ ကိုချိုတူးဇော်လည်း ပါဝင်ပြီးသူက မိုးမခ သတင်းဌာနမှ တဆင့် ယခုလို ပြောသည်။ "ဤသတင်းကို တွီတွီချင်း စိတ်တပျင်းကို ဆိုးမိပါရေ။ ယင်းတွက်ကြောင်းလည်း ကျနော် ဒေပိုင်လုပ်နီစွာပါ။ စော်ကားခံရရေလို့ သဘောထားပါပါရေလို့" ဟု ပြောသည်။
အလားတူ စင်္ကာပူနိုင်ငံမှာ အလုပ်လုပ်နီရေ ရခိုင်အမျိုးသမီးငယ်တစ်ဦးကလည်း “ သတင်းဌာနကြီး တစ်ခုဖြစ်ပြီး ဒေပိုင် ခွင့်လွတ်ဖို့ မဖြစ်နိုင်ရေ သမိုင်းအမှားတိ၊ ဓါတ်ပုံအမှားတိတင်ထားပြီး လူမျိုးရေးကို စော်ကားစွာရေ အသည်း တစ်စက်စက်နာဖို့ ကောင်းပါရေ ” ဟု သူမအမြင်ကို ရင်ဖွင့်ပြခသည်။
အဆိုပါ အငြင်းပွားဖွယ်ရာ မြေပုံကို ၂၀၁၀ ခုနှစ် နိုဝင်ဘာ ၆ ရက်နိက Asia-Pacific ဌာနမှ သတင်း ထောက် Anna Jones ရေးသားသည့် Bleak outlook for Burma's ethnic groups ဆောင်းပါးတွင် သတင်းနန့် အတူ ပူးတွဲ ဖော်ပြခသည်။
.....................
နိရဉ္စရာသတင်း
