ရခိုင်သားတိ ဇာလုပ်သင့်ဗျာလ်လဲ

စာရွီးသူရေ မြန်မာပြည်မှာ မွီးပြီးကေ ကြီးပြင်းလာသူ တစ်ယောက်ဖြစ်ပါရေ။ ယင်းတိုင်းပြည်ရေ ကမ္ဘာမှာ အရက်စက်ဆုံးနန့် သက်တမ်းအရှည်ဆုံး အာဏာရှင်တိ သိမ်းပိုက်ထားရေ နိုင်ငံတခုပင်ဖြစ်ပါရေ။ ကျနော်စွာ ရခိုင်လူမျိုးဖြစ်ပါရေ။ ရခိုင်လူမျိုးရို့သည် မြန်မာပြည်မှာ တတိယလူဦးရေ အများဆုံးအဖြစ် ၃ သန်းမှ ၄ သန်းအထိဟိဖို့ ထင်ပါရေ။ မြန်မာပြည်က တိုင်းရင်းသားတိနန့် အတူတူ ရခိုင်လူမျိုးတိလည်း လူ့အခွင့်ရေး၊ ကိုယ်ပိုင်အုပ်ချုပ်ခွင့်ရရှိရေးနန့် ဒီမိုကရေစီရရှိရေးအတွက် နှစ်ပေါင်းနှစ်ရာကျော်တိုင်အောင် တိုက်ပွဲဝင်နိန်ဂတ်ပါရေ။ မြန်မာပြည်မှာ နီထိုင်ဂတ်တေ တိုင်းရင်းသားတိထက်လည်း ရခိုင်လူမျိုးစွာ ကျွန်သက်အရှည်ဆုံးလေ့ဖြစ်ပါရေ။

ရခိုင်လူမျိုးတိစွာ ရိုးသားဖြူစင်မှုကို တန်ဖိုးထားပနာ တည်တံ့ခိုင်မာရေ မိသားစုဘဝကို တည်ဆောက်ကတ်ပါရေ။ ကျနော်ရို့ ရခိုင်လူမျိုးစွာ ဗုဒ္ဓဘာသာကို သက်ဝင်ယုံကြည်ပြီးကေ ရင်းနှီးဖော်ရွေမှုကို တန်ဖိုးထားရေပိုင် ငြိမ်းချမ်းစွာ နီထိုင်တတ်တေ လူမျိုးလည်းဖြစ်ပါရေ။ ယေကေလေ့ ကျနော်ရို့ ရခိုင်လူမျိုးတိစွာ စနစ်တကျဖိနှိပ်နီရေ စစ်အာဏာရှင် န အ ဖ လက်အောက်မှာ နိုင်ငံရေး၊ စီးပွားရေး၊ လူမှုရေး၊ ယဉ်ကျေးမှုစရေ အရာတိကို ခေါင်းပုံဖြတ်ခံနီဂါတ်စွာ နိန့်စိုင်ပါဗျာလ်။ ရခိုင်ပြည်အတွင်းမှာ အခြီစိုက်ထားရေ စစ်တပ်၏ လယ်ယာမြီ သိမ်းယူမှု ဥယျာဉ်ခြံမြီ သိမ်းယူမှု အတင်းအဓမ္မလုပ်အားပီး ခေါ်ဆောင်မှုတိစွာလည်း နိန့်စိုင်ဖြစ်ပျက်နီရေအရာတစ်ခုပိုင် ဖြစ်နီပါရေ။ State Peace and Development Council လို့ ပြောနိန်ဂတ်တေ နိုင်ငံတော်အီးချမ်းသာယာရေးနန့် ဖွံ့ဖြိုးရေးကောင်စီအစိုးရ၏ စစ်သားတိက မြို့ပြကျေးလက်ဒေသရှိ ရခိုင်အမျိုးသမီးတိကို ယူပြီးဂေ မဆမဖြစ်အောင် ချန်ထားခစွာလည်း သောင်းနန့်ချီပြီးဂေ ဟိနီပါဗျယ်။ ယင်းပိုင် မဟာဗမာလူမျိုးကြီးဝါဒက ရခိုင်လူမျိုးတိကို မျိုးပြုန်းအောင် genocide စီမံချက်ချနိန်ရေ Process ထဲမှာ ရခိုင်အမျိုးသမီးတိကို စစ်လက်နက်အင်အားတစ်ခုအဖြစ်နန့် အသုံးချနိန်စွာလည်း ကြာနိန်ပါဗျာလ်။ ရခိုင်လူမျိုးတိစွာ တခြားတိုင်းရင်းသားတိနန့်အတူတူ ပုံစံမျိုးစုံနန့် စစ်အာဏာရှင်လက်အောက်မှာ ထိန်းချုပ်ခံနိန်ရပါရေ။ ရခိုင်လူမျိုးစွာ ထမင်းတနပ်ကို ပုံမှန်ဖြစ်အောင်မစားနိုင်စွာလည်း ရခိုင်ပြည်ကို မောင်ဝိုင်း သိမ်းပိုက်ခရေ နိကစပနာ ဒေစစ်အာဏာရှင် လက်ထက်ထိပါဗျာလ်။ ဒေပိုင်ရက်စက်ကြမ်းကြုတ်တေ န အ ဖ ကောင်စီလက်အောက်မှာ သူရို့၏ အမျိုးသမီးတိဘဝ အသက်ရှင်ရပ်တည်နိုင်ရေးအတွက် ဒုက္ခမြီပြင်မှာ လမ်းယှောက်နီဂတ်ရပါရေ။

သူရို့၏ ရင်သွီးချေတိဖြစ်တေ သားသမီးတိအတွက် ပညာသင်ကြားခွင့်၊ ကျန်းမာရေးစောင့်ရှောက်ခွင့်၊  ငြိမ်းချမ်းရေးနှင့်တရားမျှတရေး၊ ရခိုင်ဘာသာစကားကိုသင်ကြားခွင့်ရရေးအတွက် ဇာပိုင်လုပ်ရဖို့လဲဆိုစွာကို သူရို့၏စိတ်ထဲမှာ တွေးဆနိုင်ဖို့ အချိန်ဟိနိုင်ပါဖို့သိလား။   ၂၀၁၀ ရွေးကောက်ပွဲမှာ ရခိုင်ပါတီက အနိုင်ရစွာများလို့ စစ်အာဏာရှင်တစ်စုက ရခိုင်လူမျိုးတိကို စီးပွါးရေး၊ ပညာရေး၊ လူမှုရေးနန့် ဘာသာရေးတိကို ပိုပြီးကေ ထိန်းချုပ်လာရေ။ ယင်းအတွက်ကြောင့်လည်း ရခိုင်လူမျိုးတိစွာ အစုလိုက် အပုံလိုက် ရွာလိုက် ပြောင်းရွှိပနာ ကချင် ကရင် ထိုင်းဘက်တိကို ထွက်ပြီး မိသားစုဘဝရပ်တည်ရေးတွက် အလုပ်လုပ်ကိုင်နီရရေ။ မြန်မာနိုင်ငံ စစ်အစိုးရ စစ်အာဏာသိမ်းထားရေ တိုင်းရင်းသားတိထဲမှာ ရခိုင်လူမျိုးတိစွာ လူ့အခွင့်ရေးအရ အများကြီး ချိုးဖောက်အခံရဆုံးပါ။ ဇာနီရာကိုလားလား 11/ဆိုကေ ဖေးသာတောင်းရေ။ မဟုတ်ကေ ကိုယ်နီရေ နီရာကိုလှည့်ပြန်ခိုင်းတတ်တေ။ ဒေဂုဆိုကေ ရန်ကုန်ကိုလာဖို့အတွက် ၁ လလောက်ကပင် တင်ကြိုပနာ ကားလတ်မှတ်ဖြတ်ထားရရေ အဆင့်ထိဖြစ်နီပါရေ။ ဒေပိုင်ရွှိပြောင်းအလုပ်သမားတိမှာ ကျန်ခရေ သူရို့၏ သားမယားတိ စားဝတ်နီရေး၊ စီးပွါးရေး သားသမီးချေရို့၏ ပညာရေး၊ အားလုံးစိတ်ချမရ ဖြစ်လာရေ။ တဖက်က နီရာပြောင်းလားစော်နန့် အလုပ်အကိုင်အတည်မကျမှု၊ လူမှုရေးစသော အခက်ခဲရင်ဆိုင်ရမှု၊ လုပ်ငန်းယှင်ရို့၏ ဂေါင်းပုံဖြတ်ခံရမှု၊ တခြားသော ဘေးထွက်ဆိုးကျိုးတိကိုလဲ ရင်ဆိုင်ရမှုစသော အကြောင်းအရာများစွာရို့ကြောင့် မိသားစုနှင့်ပင် ၀ီးကွာကင်းပြတ်လာလတ်တေ အနီအထားတိကို တွိလာရရေ။ ယင်းကြောင့်ပင် ရခိုင်လူမျိုးတိ အနီအထိုင် အစားအသောက်မြင့်မားရေး။ ရခိုင်လူမျိုးတိနန့် ရခိုင်ပြည်၏ အနာဂါတ် လှပလာရေးမှာ အလွန်ပင် စိုးရိမ်ရဖွယ်ဖြစ်လျှက်ရှိသည်။ တိုင်းပြည်တခု၏ ၀င်ငွေဆုံးယှုံးမှု လူအရင်းအမြစ်ဆုံးယှုံးမှု၊ ရပိုင်ခွင့် ခံစားရန်ဆုံးယှုံးမှု စသောသော အရာခပ်သိမ်းသည် ရွှိပြောင်းလုပ်သားများ၏ အတွေးစိတ်ထဲမှာ တွေးနိုင်ပါဖို့သိလား။

ဒေပိုင်နန့် ရခိုင်လူမျိုးတိ ပျောက်ကွယ်ဖို့တွက် စီစိုင်နိန်ရေ နအဖ၏ ဖြတ်လေးဖြတ် Process ထဲမှာ ရခိုင်လူမျိုးတိ ကျရောက်လားဗျာလ်လို့ ထင်ပါရေ။ မြန်မာနိုင်ငံ၏ စစ်အာဏာသျှင် မှုဝါဒက သူရို့၏ စစ်အာဏာသက်တမ်းရှည်ရေးနန့် ဗမာလူမျိုး ကြီးစိုးရေ ဝါဒဖြစ်လို့ ရခိုင်လူမျိုးရို့၏ ပင်ကိုယ်သဘောတိ အားလုံးကိုပင် စွန့်လွှတ်ရဖို့ ဖြစ်လာရေ။ ယိုင်ကျေးမှု ဘာသာစကား စာပီ အနုပညာ အတတ်ပညာ အသိပညာတိကို ဖေါ်ထုတ်ခွင့်အရေးသည် အရောင်ညှိုးပါလတ်တေ။ နောက်ဆုံး မိခင်ဘာသာစကားကိုတောင် ရခိုင်ပြည်မှာ သင်ကြားနိုင်ရေအခွင့်အရေးမယှိသိပါ။ ဂုနောက်ပိုင်းမာ ရ၊တ၊ပ မှ ကြိုးစားနီရေလို့ သိရပါရေ။ သို့သော် ရခိုင်လူမျိုးနှင့် ရခိုင်ပြည်သည်ကား ရင်လီးဖွယ်ရာ မြောက်များစွာကို သိမ်းပိုက်ရဆဲဖြစ်တေအတွက် န အ ဖ စစ်အစိုးရ ကမ်းသော လက်ဆင့်အမွီ သက်တမ်းတယှောက်တွင် မျှော်လင့်စရာမဟိသည်ကို ထိုင်မျှော်လင့်ပနာ အေတိုင်း နလီဖို့ဆိုပါလျှင် မည်သည့်အရာမျှ ဖြစ်လာဖွယ်မဟိပါချေ….သို့ကြောင့် စာရီးသူ၏ အမြင်အရတင်ပြရပါလျှင် မိမိရို့ ဘ၀ကို သမိုင်းတခေတ် အဖြစ်ထူထောင်နိုင်ပါက ရခိုင်ပြည်၏ အနာဂါတ်အရေးသည် မျှော်လင့် ရနိုင်စရာ ဟိပါသည်။ သို့သော် ကျနော်ရို့ အားလုံးက မျှော်လင့်ဖူးသမျှ လုပ်ကိုင်ခဖူးသမျှ အရာမရောက်ဖြစ်နီစော်တိကိုလေ့ ကြားဂတ် မြင်ကတ် သိဂတ် သဖေါပေါက်ကတ်ပျယ် ထင်ပါရေ။ ဆိုရေခါ….ရှိကို တချက်ချေ မျှော်ပနာ တစ်မျှော်ချေလောက် ကြည့်ပနာ ကျနော်ရို့ ဇာပိုင်လုပ်သင့်ဗျယ်လေ ဆိုစော်ကို စိုင်းစားကြည့်ဂေ အကောင်းဆုံး အဖြေတခု ရနှိုင်ပနာ…ရခိုင်ချေတိ မြင်လာဂတ်ရဖို့ အနာ ဂါတ် ရခိုင်ပြည်၏ ပုံရိပ်တခုကို ကျနော်ရို့စုပေါင်းဗျယ် ရွီးဆွဲနိုင်ဂတ်ပါလိမေ……..မြင်ရဖို့စော်က အနာဂါတ် Target ကို…ကျနော်ရို့သိသင့်နီ စော်က …ဇာလုပ်သင့်ဗျယ်လဲ………?